لاواجملنا اللي يشيل الورادي=اللي ليا ثقلت عليناحملها
لوكان لحقنه ضلاف حدادي=وأن جات من خطوالقريب نقلها
اللي ليا كثرت عليناالدوادي=عنا ثقيلات النوايب شقلها
وان جا من الحكام علم وكادي=تضعضعت روس الجمال لجملها
بصير في حل المشاكل سدادي=ويسير برضاها ويمحي زعلها
واليا حكم علم تعظم وزادي=وعرف مبادي شغلها واشتغلها
يشغل لهاحدب الظهور الحدادي=ونمرا من الضيقه تزود بجهلها
زيزومنا لا جت جموع الذوادي=تاطا شخانيب الوعر مع سهلها
واليا اعتلى من فوق خطوا السنادي=تنازلت للمنع لا من دقلها
تعرف مراكيضه ولا هي جدادي=وبالهوش تقرب سابقه من شعلها
خيال شقح قرقعن التوادي=لا جا نهار فيه ذقها وشلها
وان صاح صياح وقالو هجادي=واخطوا ممس سروجها من عجلها
لحقت يابوفلاح زين العبادي=مرجع مراديم العشاير لاهلها
مرحوم يا مقعد شبا كل عادي=لا ركبت سمر الليالي رحلها
وخساره ما مثلها في البوادي=ونرجي في المولى يرد ببدلها
وخساره ياكبرها يالصمادي=واخلف على عين(ن)تزايد هملها