الله بيديه الفرح والضيق وفراجه=وأرزاق كل البشر في لوح كاتبها
وهواجسي صدّرت من عين هدّاجه=شرد القوافي عسفها راس كاسبها
مانيب من يكتب القيفان من حاجه=أمرار أجامل لها وأمرار أعاتبها
حتّي أصعب القاف منّها يضحك أحجاجه=عقب العداؤه تصاحبني وأصاحبها
من لا عرف مدخله ما عرف مخراجه=وأن شفت لحية غضب حسّنت شاربها
والبحر ما كل سابح ينطح أمواجه=والسالمه ما تجي للجرب تجربها
أنا أعرف أسطبل حصن الميد وأنتاجه=وجحارة الأرض من يامن عقاربها
واللاش ولّع فتيلة شعلة أسراجه=لكن حبل المطيّه فوق غاربها
لا صار كبده غذاها نار وهاجه=ما تطفي النار لو يارد سحايبها
والناس فيها صدود ووصل ومواجه=تجهل كثير العرب حتّي نقاربها