قالو تمثل يابن شلان=وعطنا من القاف مازاني
قلت القصايد لها عنوان=وانا على الزين عنواني
حقن علي لبدع القيفان=والبيت ياتيك ملياني
وأنكان ما أرجح الميزان=ويقال صح الله ألساني
تحرم علي دلة الرسلان=والكيف لاصرت شفقاني
والمدح في ربعي العجمان=هم عزوتي يوم الاكواني
هل سربتن فالقى ضفران=اليا رقص كل شيطاني
والخيل لاطبت الميدان=في ساعتن شانها شاني
نارد كما يارد الضميان=اليا يختلط عج ودخاني
نقدم اليا هابو الذلان=بالرمح والسيف شاماني
برقا الرياحيه وكنزان=يشبع بها الذيب سرحاني
ويوم غدرو شيخنا ضيدان=قمنا على كل خواني
جينا مصاليخ ٍ وجردان=صمله وصمن وعمياني
خذنا أبثاره أمن الخوان=ماحن نحسب للاثماني
وقد قالها شيخنا راكان=المدح مايرفع الداني
والذم مايهفي الميزان=عند النشاما هل الشاني

قالوا تمثل يابـن شـلان=و عطنا من القاف ما زاني

هل سربة(ن) فالقى ضفران=اليا رقص كل شيطانـي
و الخيل لاطبـت الميـدان=في ساعة(ن) شانها شانـي
نارد كما يارد الضميـان=إليا أختلط عج و دخانـي
نقدم إليـا هابـوا الـذلان=بالرمح و السيف شامانـي