الشاعر الكبير ذيب بن راشد ودستور يام ( يلقيها في فياض ام سدر )
هذا اللقاء القصير الذي اجراه ممثل الادارة المراقب راكان المحفوظي مع الشاعر الكبير ذيب بن راشد في فياض ام سدر في وادي العجمان حيث القى ابو راشد قصيدة ( دستور يام ) واحببنا ننقل لكم جزالة الشعر والحماسة من وادي العجمان الى مجالس العجمان بالصوت والصورة واليكم القصيدة: تحميل الضاعني غنى بحلو ألحانه= مثايلٍ من فكرته وإلسانه مثايلٍ يطرب لها المتذوق=تدخل بقلب المستمع وآذانه مثايلٍ تبقى لجيلٍ قادم= همزة وصل تربطه مع جدانه أغوص في بحرٍ عميقٍ هيره= وأجيب من لولوّه ومرجانه أعرف بحوره زين وأميزها= غير البحور أجيد كل ألوانه إليا سريت أسري على مسحوبه= وإليا سرحت أجرها هيجانه ولي مع المنكوس باعٍ طايل= اللون ذا بالذات حن خلانه أما التّرمل والحداء مفهومه= ذا كارنا لامن رقص شيطانه ومنهج نمر عندي وانا بيطاره=القلب بيته والصدر بركانه أما الهلالي لو يطول أو يقصر= أهندسه وأتعب على بنيانه أكيد أنا محسوب ضمن الخمسه= لكن مع أولهم أنا لي خانه أغوص في بحر المعرفه وأنتج=إبيوت شعرٍ كلها رنانه لامن وقفت بموقفٍ له هيبه=لاجاتك إبيوتي تجي مليانه زكوني إربوعي وأنا شاعرهم= والحر ما ينهض بلا جنحانه قدمت نفسي نايب وزكوني=عند الشيوخ وعند كل العانه من الكويت الغاليه للوادي= وأجنبي لنجران للكرعانه ربعي مواقفهم إتشوّش راسي= يطرب لهم فكري وأهد إعنانه ياميةٍ يردون لحياض الوغى=ما اقول قول الا على برهانه كم زوجوا بأفعالهم من شينه= في عين خاطبها تجي فتانه ياتي ولدها في الرجال إميز= مثل القمر لاجاك وسط أقرانه أكبر دليل ان الدويشِ فيصل= من طيبنا غطى على عمانه حنا سلاطين المجالس حنا= حنا رحاة للعدا طحّانه يوم الحرايب في الحسا شعّاله= حنا هزمنا الترك في ميدانه دستورنا ذبح الجبان الخاين= ما اهتزت له ذباحه وإدفانه يامن بنا الخايف ونمّن خوفه= يامن بنا غصبٍ على عدوانه سقنا بحد السيف غصب وقوه=قمت سنام المجد حن عنوانه يعيش الضعيف والقصير بضفنا= بوقتٍ كثير الناس به هلكانه من كان عنده شك يرجع للورا= ويشوف تاريخ الامم بعيانه هذا كلام الصدق ياهل الذمه= قبل أنطقه موزون في ميزانه ماهوب كلام إشويعر متغطرس= البيت ما يبنى بلا عمدانه ما أذم وافي الخصايل لِلّه= كلن على حقه رفيع شانه كلن على حده وانا لي حدي= كلن يحد القوم من حدانه الزود كثره نقص مابه شكه= مانيب من اللي يرخص لحصانه أرجو المعذره يا النشاما منكم= شاعر(ن) وأمثل لابةٍ بطرانه نتمنى ان تحوز القصيدة اعجاب الجميع http://www.alajman.ws/upctr/files/S4030696_1.jpg الجزالة تتجول في فياض ام سدر http://www.alajman.ws/upctr/files/S4030709_1.jpg الشاعر الكبير ذيب بن راشد بن ذيب والمراقب راكان المحفوظي |
رد: الشاعر الكبير ذيب بن راشد ودستور يام ( يلقيها في فياض ام سدر )
لاهنت يابو حمد على النقل
وماقصر المحفوضي راكان وصح لسان شاعر الاربعين ذيب ابن راشد تحياتي لكم الملكـ |
رد: الشاعر الكبير ذيب بن راشد ودستور يام ( يلقيها في فياض ام سدر )
لاهنت يابو حمد على هذه الجهود
وماقصر المحفوظي راكان عل اللقاء وصح لسان شاعر الاربعين بو راشد |
رد: الشاعر الكبير ذيب بن راشد ودستور يام ( يلقيها في فياض ام سدر )
لاهنت يابوحمد على هذا المجهود
وكما نشكر الشاعر الكبير // ذيب بن راشد بن الذيب على اتاحة الفرصه لقي نلتقي به رغم ضيق الوقت ،،، |
رد: الشاعر الكبير ذيب بن راشد ودستور يام ( يلقيها في فياض ام سدر )
لاهنت يابوحمد
ولاهان أبو محمد على اللقاء المميز مع الشاعر ذيب بن الذيب عساكم على القوة |
رد: الشاعر الكبير ذيب بن راشد ودستور يام ( يلقيها في فياض ام سدر )
ولا انت يا ابو مانع وما عليك زود على الكلام الطيب والله لايهين ابو راشد على القصيدة الرائعة كما اشكر اخي العزيز راكان على النقل الرائع
|
رد: الشاعر الكبير ذيب بن راشد ودستور يام ( يلقيها في فياض ام سدر )
ولا انت يا ابو ناصر ما عليك زود يا السنافي
|
رد: الشاعر الكبير ذيب بن راشد ودستور يام ( يلقيها في فياض ام سدر )
ارحب يا ابو محمد ما عليك زود بيض الله وجهك
|
رد: الشاعر الكبير ذيب بن راشد ودستور يام ( يلقيها في فياض ام سدر )
ولا انت يا ابو سراج وما عليك زود يا السنافي
|
رد: الشاعر الكبير ذيب بن راشد ودستور يام ( يلقيها في فياض ام سدر )
صح الله لسان الشاعر
والله يبيض وجهكم على هذا التصوير ونقل القصيده |
الوقت في المنتدى حسب توقيت جرينتش +3 الساعة الآن 05:59 PM . |
مجالس العجمان الرسمي