مجالس العجمان الرسمي

مجالس العجمان الرسمي (http://www.alajman.ws/vb/index.php)
-   " غَـــــيــــــــوم مــــاطِــــــــرة " (http://www.alajman.ws/vb/forumdisplay.php?f=71)
-   -   فزاع (http://www.alajman.ws/vb/showthread.php?t=75672)

طارق الوادعي 14-09-2013 12:56 AM

فزاع
 
كم واحد" دايم معا الناس فزاع=كنه على كل الخلايق موصى
يترقب الي يشكي اهموم واوجاع=واما لفا محتاج قام وتقصى
ومن فضل ربي كل ماجاك بسراع=ماحاجة" لاجت على ايديه تعصى
به نية" بيضا وله طولة ذراع=وجمايله عالخلق ماهي بتحصى
ماقد نصى هالناس وان ظمي وان جاع=وهو اذا جات الشديدات ينصى
يارب تجعله على الخلد مطلاع=وجعل اليمين الي يضده يقصى
هذا مثل هادي له النعم تنذاع=والبيض له في كل عالي تنصى
طماع في نجدة هل الطيب طماع=ولا حسب دنياه زود" ونقصى
وربعه بني قحطان موج" على القاع=وحصون في وجه الشدايد ترصى
بين البرايا مجدهم والفخر شاع=وبصفحة التاريخ منصوص نصى
وكم واحد" نفسه تمنع تمناع=كلما يزيد الوقت يزداد حرصى
واذا نوى بالطيب منسبه ماطاع=ولا جا حدود الطيب ينغص غصى
بياع قدر ومادى قدره انباع=رخيص نفس وزاده الوقت رخصى
جعله فدا الي وافي الشبر والباع=الي الشحم له والمدايح تخصى
وكم واحد" مابين الاثنين قد ضاع=نص" معا اهل الطيب والشين نصى
اذا اقبل اقبل كنه الخيل منصاع=قص المسافه في رجا الطيب قصى
والموت لا قفى للاجواد قطاع=مهما انزهم ما زاهم" له يخصى
مثل النحل هذا له اشكال وانواع=اما عسل بيجيك او جاك قرصى
يتجمع الاجواد لدنى تجماع=مثل اجتماع اهل العباده بالاقصى
واهل الردى حسب المصالح والاشباع=هذاك يدنونه وهذا يقصى
ويارب وجهنا على درب الاسناع=دام المدى بالخلق مخبوص خبصى
نرجيك طيحنا على قرم وشجاع=لن القلوب اتحب من دون فحصى
ويارب ترحمنا نهار" به إفزاع=يوم الجسد ينطق والافواه خرصى
جارك من جهنم لا زادت تولاع=وتقنصت للناس من بعد قنصى
شفع رسولك في عبيدك تشفاع=اخر فرص للفوز واعز فرصى
وسلامتكم


الوقت في المنتدى حسب توقيت جرينتش +3 الساعة الآن 02:28 AM .

مجالس العجمان الرسمي