شفتك وسالت بي بحور القصايـد
لاتلومني لاقلـت لاجلـك قصيـده

شوفك تباشر بـه بنـات الفرايـد
تسهل على شانك ولو هي عنيـده

فرايـدً تزهـاك مثـل القـلايـد
ياكبُر طموح اللي يبيك ورصيـده

نظـرة عيونـك ماوراهـا فوايـد
تجـرح معاليقـي جـروحً عديـده

وجرح العيون ادواه عسرً وكايـد
كم طاح فيها مـن شجـاع وليـده

مادام حبـك يالغـلا فـي تزايـد
في وسط قلبي جاريً في وريـده

تعـال ياعـزوة وسيـع البنـايـد
بسمعك احلـى قصيـده جديـده

عنوانها انك علـى البيـض قايـد
ماالله خلق من يشبهك في عبيـده

العين حرً لبـرق الريـش صايـد
من تنظره يصبـح بيمنـاك صيـده

فوق العيون وفوق شقر الجعايـد
وهبك ربـي ميـزةً لـك فريـده

لاجيت فزوا لك شيـوخ البدايـد
وان غبت عنهم يوم قالوا فقيـده

ياجعل يوم جـاب شوفتـك عايـد
ويوم البعدعسى الولـي مايعيـده

شوفك يطفي من ضميري وقايـد
وان غبت شبت في ضميري وقيده

يحرم على عينـي منـام الوسايـد
وانته ديارك عن دياري بعيـده

امنتك اللي يبعث اهـل اللحايـد
اللي جعل رحمتـه تسبـق وعيـده

لاشفتنـي لاعـاد مـنـي تحـايـد
قرب عسى دنياك دايـم سعيـده

وش حيلتي ويـاك غيـر النشايـد
لاشفت زولك قلت لاجلـك نشيـده

تردنـي دونـك سلـوم وعوايـد
لاسمعك احلـى قصيـده جديـده

في منتهاها شطر يسـوى قصايـد
يستاهلـك بالحـب مثلـي وليـده

ارحب
مرحباا ومسهلا
وصح الله بدنك
ولاهنت على المرور

ليه يازمن
مرحبا ومسهلا
وشرفتني بمرورك العطر
صح الله بدنك

ابوفهاااد
ارحب ياااسنافي
صح الله بدنك ولاهنت
على المرور العطر