|
[ شذى الجوري ]
السلام عليكم
مساء / صباح .. الخير والنوّير ! الحقيقه اني كنت متردد ، حيال هذا الموضوع ( وهو زاويه خاصه بي ) لــ اسباب شخصيه ، ولــ عدم اهتمامي واقتناعي .. بــ تدوين وحفظ بعض الابيات الارتجاليه التي كتبتها هنا وهناك في اروقة هذا المنتدى الغالي على قلبي رغم اعجابي بالفكره من حيث المبدأ !!؟ ولكن بــ تشجيع من بعض الاعضاء وبــ مطالبه من ناس غالين علي جداً ها أنا .. اعلن افتتاح هذا القسم ( الخاص جداً بي ) ! لــ تدوين ابياتي المتواضعه وحفظها .. ولــ سهولة الوصول اليها لـ من اراد ذلك !؟ ملاحظه هامه جداً :- جميع الابيات من ابداعي الخاص .. ولا يوجد في هذا الموضوع اي ابيات مختاره لــ شعراء آخرين !؟ × ارجو من الله .. ان ارتقي بــ ذائقة كل من مرّ من هنا !؟ × خالد وبس 1bh1 |
رد: شذى الجــوري ( لــ خالد وبس ) !؟
ماهوب شرط !؟
ماهوب شرط .. اكون رايق على طول = يمكن تجيني ضيقةٍ .. مالها اسباب اهم شي .. إعْرف .. وميّز .. وش اقول = وصدقني اني معْك .. مانيب كذاب طيفك يجي .. ويمر .. ويصول .. ويجول = حتى ولو حنّا .. بعيدين .. واغراب وان شفت زولك .. قلت ياحي هالزول = وان غبت .. جاني من معاناتي .. اسراب هذا انت وسط القلب .. محفول مكفول = وغيرك يطق الباب .. ولا افتح الباب! 0015 |
رد: شذى الجــوري ( لــ خالد وبس ) !؟
يسلم راسي !؟
الصمت في بعض المواقـف .. عـزه=يرفعنـي .. ويلغـي فضـول العالـم ولا صار بعض الهرج مالـه .. مـزه=احيـا مسالـم .. وآتوفّـى .. سالـم ما اقول انا .. عن ما يدور .. منـزّه=لكـنّ لـي آثـار .. ولــي معـالـم مثل الجبل .. ما كـل ريـح .. يهـزه=شامخ .. وراسي .. وانسيابي .. ما لم ايطيح حظي .. قبـل تبـدا .. الفـزه=وان طاح بي .. فدوه .. وراسي سالم! 0015 |
رد: شذى الجــوري ( لــ خالد وبس ) !؟
منت مجبور تقولها الحين .. !؟
مسيت بالخيـر .. والنوّيـر .. والجـوري=يا احب .. واغلا .. واعز .. انسان في بالي يا مصدر الهامي .. ومجدي .. وجمهـوري=يكفيني انْ .. كنّ مالله حطّـك .. الا .. لـي ابقى .. وتبقى .. ويبقى نورك .. ونـوري=معي .. لو اني لحالـي .. فالخـلا الخالـي والله ما انساك .. باحساسي .. وبشعـوري=ما دامني حي .. بحيا لـك .. وتحيـا لـي وان كان ما قلت .. احبك .. منت مجبـوري=ان مت .. عرّض على قبري .. وقلها لـي! 1bh1 |
رد: شذى الجــوري ( لــ خالد وبس ) !؟
مجرد رأي .. لا اكثر !؟
يا شبيه الريم .. لا تجفل .. ترانـي=ما عشقت الا وانا .. فالعشق صامل تدري ان احساسي .. ومنطق لساني=لا يماري في غـلاك .. ولا يجامـل والله انك في خفوقي .. شـيّ ثانـي=في حسن ذوقك .. وفي حسن التعامل لا تعاني .. لو تشوف انـي اعانـي=انت كامل .. والا انا مانيب كامـل! والكامل وجه الله :0015: |
رد: شذى الجــوري ( لــ خالد وبس ) !؟
آآآه يا قلبي !؟
ليت قلبي ما تزحزح .. عن محلّه = يا مقاويس الضلوع .. ونرفزتها استفزّ الحزن قلبي .. واستحلّه= ولا بقى فالعين دمعه .. ما بكتها وان بغيت ارتاح ساعه .. يفتح الله = كيف اريّح .. واتناسى سالفتها نظرة عيون الهنوف .. المسفهلّه = عقب ما لدّت علي .. وسلهمتها علّقتني بين عز .. وبين ذلّه = ذلّلتها .. للخفوق .. وعزّزتها مايطيّب خاطري .. فنجال دلّه = لين احس انّي .. اسفّ من قهوتها احتوتني .. لين صار الكون كلّه= فص من سلسالها .. اللي فرقبتها! 1bh1 |
رد: شذى الجــوري ( لــ خالد وبس ) !؟
وردة جــوري !؟
نسنسي بــ شويش .. يا نسمة هبوب الطايف تحت زخات المطــر .. يا زيـن ورد الجــوري عانقينـي .. وارفعينـي .. لــ الطـويـل النــايف ودي اناظر .. واشوف الناس .. من منظوري وانت يا روح المشاعر .. مثل ما انته شايف انكشفت .. وصرت سبّــة غيبتـي وحضوري لو عشقتك .. مثل من يعشق .. وعشقه زايف ما تمنّـيـتــك .. وانا بين ارضـي وجمهــوري يا كثــر ما اغليــك وآحبــك .. ولكـن خــايف تستهين .. بقيمة احساسي ونبض شعوري !؟ :0015: |
رد: شذى الجــوري ( لــ خالد وبس ) !؟
ضمّيت قلبي وعوّرته .. !؟ :cool:
قطعـت نصـف الطريـق .. اللـي يوصّـل لـك لكنـك ابعـــد علـي .. مـما تصّــورته !؟ مـا فيـه داعـي .. اقصّـر لـك واطــول لـك غـرامـك من الغـلا والحـب .. طـــوّرته !؟ ما شفـت حتى شمـوخي كيـف .. حـوّل لـك واخـذت قلبـي .. وضمّيتـه .. وعــــوّرته !؟ الله يسـامح سحـاك اللـي .. يخـــوّل لـك لغّمـت شـوقي على شـوفك .. وثـــوّرته !؟ :0015: |
رد: شذى الجــوري ( لــ خالد وبس ) !؟
صدق المشاعر !؟
ياللي لك من الشوق .. ما ينعش الذات = انا فداك .. بضيقتك وانفعالك حتى لو اني هايمٍ فيك .. بسكات = في ذمتي ما مرّني .. الا خيالك سويت في قلبي .. دروب ومسارات = وكل الدروب تمرّني .. من خلالك من كثر ما احتاجك معي .. فالمهمات = حسيت كني .. من ابْنا خوالك في غيبتك .. ما للملذات .. لذّات = تقول كن الليل .. مظلم وحالك وفي جيّتك .. عزه .. ومجد .. وطموحات = واحس بالنشوه .. لا عرّض مجالك اي والله احبك .. واذا تبغي .. اثبات = قلي .. وانا في ذمتي اني .. حلالك! 1bh1 |
رد: شذى الجــوري ( لــ خالد وبس ) !؟
حبيبي ما توقعته .. كذيّا = ليا مني طلبته شي .. عيّا ابي قربه .. وهو يعنني .. مدري = بعد ما جابه الله .. وتهيّا مسا البارح فتحت له صدري = ورسمت اسمه على سطح الثريّا انا وشلون ابا احيا مثل غيري = وحياتي في رجا سمح المحيّا! :0015: |
رد: شذى الجــوري ( لــ خالد وبس ) !؟
مالي شغل ..!؟ :)
بعد بكره ليـا قفّيـت .. والا لفّنـي غيـرك=لا تِلحقني مشاريه الغرام .. وقسوة فعولـي انا طيرٍ يحلّق فالهـوا .. ولا نـي بطيـرك=على متن السحابه .. والبسيطه ماهي بحولي! :0015: |
رد: شذى الجــوري ( لــ خالد وبس ) !؟
كنت اتقهوى .. وقلت !؟
تدرون .. ويش اللـي يسمّـج حياتـي=لا طحت من عين الرفيق .. وتحطّمـت وانـا علـى نيّاتـي .. اروح وآتــي=وان شفت ما يخدش شعوري .. تلطّمت! :cool: |
رد: شذى الجــوري ( لــ خالد وبس ) !؟
:)
صورتْك .. دايم .. ليا من جات .. في بالي = ضمّيتها .. بكلّ ما أوتيت .. من قوه !
1bh1 |
رد: شذى الجــوري ( لــ خالد وبس ) !؟
اسولف مع الليل عنّــه !؟
يا ليل .. وجهك مظلم .. وخاطرك شين=وانـا بعـد .. نفسيتـي لـك عليـهـا اسري مع ظني .. ولا ادري على وين=اخاف يخيـب الظـن .. واروح فيهـا يا ليل تكفى .. مـا بقـى غيـر ثنتيـن=فـي ذمتـي مـا ادوّر .. الا حديهـا اما يجي مـن بيننـا .. نـازح البيـن=والا دفعت الشـوق .. ليـن احتويهـا :0015: |
رد: شذى الجــوري ( لــ خالد وبس ) !؟
منهي مشكلته طيب !؟
يا مشاريه الغرام .. وقسوته .. ودموعـه=ما بقى من ذكرياتي .. غير بيـتٍ قلتـه الشموخ المرتفع .. والرايـه المرفوعـه=ما تساقط .. في متاهات الزمن .. واسئلته ويش ادوّر فالرجا .. وحباله المقطوعـه=والعذاب اللي يهـز الخافـق .. بولولتـه آآه ليت الله ما حط بخاطري .. موسوعه=آتصفحها .. ونورك يا قمـر مـا طلتـه مشكلة قلبي .. يحب ويستلـذ .. بنوعـه=واعتقد لاهيب مشكلتـي .. ولا مشكلتـه! :0015: |
رد: شذى الجــوري ( لــ خالد وبس ) !؟
:)
انا طبعت اسمي .. بقلبك وعينـك ولا بقى الا انك .. تصـرّح بذلـك صافح يدينـي .. لبـا والله يدينـك حاول تصافحني .. ولو في خيالك! |
رد: شذى الجــوري ( لــ خالد وبس ) !؟
شي بصدري !؟
بقول الك .. الكلام اللي بغيت اقوله .. وصديت = لك الله ما عشقت انسان غيرك .. وانت لو تدري عرفت اني .. ليا حبّيت .. يا روح الغلا .. حبّيت = واهيم بكل شيّ فيك .. واضمّه على صدري! :0015: |
رد: شذى الجــوري ( لــ خالد وبس ) !؟
اعتـــرف !؟
يا كثر ما خشّيت في صدري .. علوم = اخاف ابيّن بعضها .. وآتحسّف وياليتني من هزّة الشوق .. محروم = من شان اخفّ من الندم .. والتأسّف! :0015: |
رد: شذى الجــوري ( لــ خالد وبس ) !؟
خذ راحتك !؟
رصاصة الرحمه .. معك يا حياتي = نيشن على قلبي .. وحطّم ضلوعي خلني احس بقيمتي .. في مماتي = حتى ولو موتي .. يبكّي ربوعي يمكن بعد موتي .. تحس بغلاتي = ويهزّك الطاري .. وتذكر دموعي! :0015: |
رد: شذى الجــوري ( لــ خالد وبس ) !؟
لكاعة شويعر !؟ ;)
خمس الحواس .. اللي منوّل علـى الكيـف=فقدتهـا مـن عـاد حلـمـي .. صغـيّـر لكن كبر حلمي .. وانا اصلاً .. على طريف=الـيـا لمحـتـك .. يالـغـزال المـذيّـر خليتنـي ارقـا .. بــروس المشـاريـف=تقـول كنّـي .. مـن محيطـي .. مطيّـر سميتك سويّر .. وهـو اسـم .. تشريـف=امـي منـوّل .. كـان اسمهـا سـويّـر! 1bh1 |
رد: شذى الجــوري ( لــ خالد وبس ) !؟
<-- يتفلّـــت .. !؟ :)
ياناس .. لا احد يحول بيني وبينه = خلوني اعشق واستلذ .. بغرامه ودي اجي واحط عيني .. بعينه = وافر تفكيره .. واغيّر نظامه واضمه بصدري .. واقبّل يدينه = وابقى معه .. حتى تقوم القيامه! 1bh1 |
رد: شذى الجــوري ( لــ خالد وبس ) !؟
وقفة خاطر !؟
سلام الله .. سلامٍ .. أعتبرْه اغلى سـلامٍ .. قلـت=مغلّف بالغلا .. والحب .. والاحساس .. والتشويـق بغيت اغيب .. وانسى لذّة الماضي لكنْ .. ما احتلت=لقيتك (يالغياب القاسي) .. اقسى من شموخ طويـق هذا عذر الشعور .. اللي جذبني من بعيد .. وملـت=وانا من قال .. وش سبّة غيابك .. قلت .. لا تعليق! :0015: |
رد: شذى الجــوري ( لــ خالد وبس ) !؟
خاصه جداً جداً !؟
فمان الله يا اغلى منتـدى جيتـه .. وانـا مشتـاق=وبادلني الغلا .. واغلى المشاعر .. كل عضوٍ فيـه ابرحل .. واترك الاشواق .. والاحساس .. والخفاق=غريبٍ هزه الطـاري .. لـداره .. والهـوا قافيـه لكن ان قاله الله .. جيتكم عقـب الفـراق الحـاق=(مجالس منتدى العجمان) مهما ابعدت عنْه .. اجيه! 0015 |
رد: شذى الجــوري ( لــ خالد وبس ) !؟
وجهة نظر .. لا بد منها !؟
اجـي واروح .. برغبـتـي واختـيـاري=واناظـر العالـم .. بمنظـوري الخـاص وان مرّني من طاري الشـوق .. طـاري=جيتك وانا ادفع شوقي .. بجهد .. واخلاص! 0015 |
رد: شذى الجــوري ( لــ خالد وبس ) !؟
اسولف مع قلبي .. واقوله !؟
الشوق .. يا (قلبي) المجروح .. تعّبنـي=شف كيف .. خلاّ ملامح وجهي .. تعاني كنك على طـاري الفرقـا .. تدرّبنـي=او كنك تقول .. شف لك واحـدٍ ثانـي وانا يا (قلبي) ما فيه احـدٍ .. معذبنـي=اكثر من اللي .. احسّه جالس وزانـي! 1bh1 |
رد: شذى الجــوري ( لــ خالد وبس ) !؟
وجهة نظر ..!؟ :)
خليل الشبرمي .. والبيرق المرفوع .. والمليون = خذاها عن جداره / بالشعر .. والصوت .. والتوفيق !
:a37: |
رد: شذى الجــوري ( لــ خالد وبس ) !؟
شعور صادق !؟
انا ما احس اني مع الناس .. موجود = لو شفتني جالس مع فلان .. وفلان لا صار مالك حس .. يا ليّن العود = معناتها .. ما كنّ في فمّي .. السان! 0015 |
رد: شذى الجــوري ( لــ خالد وبس ) !؟
<--- :cool:
عقب كان اسمي .. زبون الجاذياتي = ابتلشت .. ومن مشقّه في مشقّه صرت (مقطع حق) .. عند المترفاتي = كل من جاني .. يطالبني بحقّه ضاع قلبي .. وانشدوا قصة حياتي = انهبه واحد .. وجا .. حقه ومقه! 0015 |
رد: شذى الجــوري ( لــ خالد وبس ) !؟
السان حال الجميع يقول !؟
الله .. ولا حزّة الفرقا .. وطاريها = تهز قلبي .. وتفتك بي .. وتنهيني !!
0015 |
رد: شذى الجــوري ( لــ خالد وبس ) !؟
شعور عابر !؟
مشاعـرك ماهـو بـلازم .. ترققهـا=مغنيني الله .. من احساسك ومن طيشك ما عندي اهداف .. لجل انّـي احققهـا=او اني اهيم بك .. واهواك .. واعيشك اقر الرسالـه .. وميّـزه .. وشققهـا=وحاول تذكّر كلامي .. لا طلع ريشك! 0015 |
رد: شذى الجــوري ( لــ خالد وبس ) !؟
كم مرةٍ جيتك
وعندي سواليف ابغى آتكلّم / ما عرفت آتكلّم !! صح انها فرصه وجتني على الكيف مدري انا في علم / والا اتحلّم ؟ الله يا فمّك تحت سلّة السيف كنه سنا برقٍ .. بليلٍ مظلّم وغمازتينك والشفايا المراهيف عزالله انها .. بس !! ماني معلّم ماني معلّم ماني معلّم ماني معلّم 1bh1 |
رد: شذى الجــوري ( لــ خالد وبس ) !؟
لكاعه .. فقط لاغير !؟ :)
وجود اسمك مع المتواجدين .. يرد لي قلبي = دخيلك لا تغيب وتترك العاشق على اعصابه !
0015 |
رد: شذى الجــوري ( لــ خالد وبس ) !؟
برضو لكاعه !؟ :)
ذبحني الحيا .. لا اجيك وافتح لك الموضوع = واقول اني اعشق طلّتك .. وآتحراها !
1bh1 |
رد: شذى الجــوري ( لــ خالد وبس ) !؟
كلش عاد ولا قلبي !؟ :)
تمخطر من ورى صدري .. ودونه = لكن القلب خله في مكانه واذا مالك مصدٍ عنه .. صونه = ترا قلبي يا روح الروح .. امانه! 0015 |
رد: شذى الجــوري ( لــ خالد وبس ) !؟
رسايل الاشواق .. ملغومه = ولو تنفجر فالمجتمع .. عادي كلمة حبيبي .. جات مكتومه = والا ما غير احساسي الغادي؟ اخاف لو اني بديدومه = وانا في وادي .. وهوّ في وادي! :cool: |
رد: شذى الجــوري ( لــ خالد وبس ) !؟
عااادي جداً !؟ :)
كم واحدٍ وده يهمشّني .. وما قدر = افرض عليه احترامي .. وابتسم له .. واروح يكفي عيوني .. نظرها فوق ماهو حدر = الله خلقني مع العالم .. بعز وطموح! :a28: |
رد: شذى الجــوري ( لــ خالد وبس ) !؟
هنيّكم
ياهل القلوب الغليظه ما تعرفون الحب .. واحساسه العذب !! :21t: لا جيتكم تايه .. ونفسي مريضه قلتوا لي انك والهوى كذب في كذب !! :21t: |
رد: شذى الجــوري ( لــ خالد وبس ) !؟
في زحمة العالم .. وفالضوضاء = افتح عيوني .. واربط الساني تدرج قدم رجلي على الرمضاء = ومواصل .. ان كان الله احياني بعيش عضو .. ومن ضمن الاعضاء = ويمديك تذكرني وتنساني! 0015 |
رد: شذى الجــوري ( لــ خالد وبس ) !؟
موقف صعب !؟
حبيبي يساومني على .. الصد والفرقا = وهو بموقفٍ ظالم .. وانا بموقف انساني !
0015 |
رد: شذى الجــوري ( لــ خالد وبس ) !؟
a8
انا مثل الغريب اللي ظروفه .. ماهي (ب) لا هناك = حياته مالها داعي .. وشكله يكسر الخاطر !
:a36: |
| الوقت في المنتدى حسب توقيت جرينتش +3 الساعة الآن 08:04 PM . |
مجالس العجمان الرسمي