مجالس العجمان الرسمي - عزالله إني يوم حبيت / حبيت

مجالس العجمان الرسمي (http://www.alajman.ws/vb/index.php)

- بوح المشاعر (http://www.alajman.ws/vb/forumdisplay.php?f=25)

- - عزالله إني يوم حبيت / حبيت (http://www.alajman.ws/vb/showthread.php?t=56125)

عزالله إني يوم حبيت / حبيت

عزالله إني يوم حبيت / حبيت
ماكنت آحسب الحب هذي علومه

ضحيت ,
وأخلصت ,
وعطيت ,
وتفانيت ,
لو إن نفسي من عطاي [ محرومه ] !

الظاهر إني طحت وأنا ما سمّيت
ولا أظن لي من بعد ما طحت قومه

ما جت لي الدنيا
( على ما تمنيت ) !
حلمت : والأحلام شبه معدومه

عجزت :
وأنا اللي الى قلت سويت
حظي فتر حيله وبردت عزومه

ياما قطعت من الدروب وتعنيت
وسريت ليل ٍ ما تشعشع نجومه ,

وكم ليلة ٍ روحي على كف عفريت
وأقول ( ما آحد ٍٍ ميّت ٍ قبل يومه ) !

ماتحت رجليني ياكودالدناميت
آطا الخطر .. كني معارض حكومه !

وقفت
في وجه الظروف وتصديت
وقفة شجاع ٍ راس ماله : سلومه

وش عاد أخذت من المحبه وخليت
حب ٍ مضى وقته .. وبقيت رسومه

عليه أجرّ مع الونين / التناهيت
لا أخذت لي في جوّه الرحب .. حومه

ذكراه حولي .. كل ما أصبحت وأمسيت
رحل .. والأصعب من رحيله ؟ قدومه !