|
قصيده غزليه
بسم الله الرحمن الرحيم
السلام عليكم ورحمة الله وبركاته اقدم لكم هاذي القصيده الغزليه وهي من قصائدي ارجو ان تنال على اعجابكم سألت الليل عن برق(ن) سرى باسفل دجاه يلوح بروق(ن) بان خيط الصبح وعيوني تراقيها سناها لامع(ن) كنه شعاع الشمس يوم تبوح تصور في الدجى معنى الحياه وكيف تاليها وتروي لي حكايات(ن) دفنها العالم المصفوح قصص نسج الخيال اللي على الواقع نعانيها ويرسم لي تشعشاعه جبين الصاحب المملوح طرف خده اليا فرق جديل(ن) كان كاسيها جديل(ن) كنه جنح الليل من فوق المتن مشروح يطاول قدها الهايف ويصتقصر خطاويها رهيف العود مع نود الصبا لين يجي ويروح كما ريحانتن في ملتقى النهرين ترويها وأبو عين(ن) كما عين أشقر(ن)حط الوكر منزوح على روس الشواهق في الوعر شيد مبانيها قتيل الرمش لا سلهم يخلف في الضمير جروح وديل الشفتين اللي بياض الثلج فاصيها ودخيلك يانسيم (ن) هب ريح الوبل فيه يفوح دخيلك لا تذكرني علوم(ن) كنت ناسيها سألت البرق عن طبي وقال الصبر زاد الروح تصبر والرجا في الله عظيم الشان يسويها وادعني المطر دمعه وصوت الرعد كنه ينوح وخرت دمعت(ن) في العين كم قدلي مداريها |
رد: قصيده غزليه
وعليكم السلام ورحمة الله وبركاته ابن مصعب صح لسانك وفي إنتظار جديدك 1bh1 |
رد: قصيده غزليه
وعليكم السلام ورحمة الله وبركاته اقتباس:
صح لسانك .. ولاهنت .. يعطيك العافية |
رد: قصيده غزليه
صح الله لسانك وقصيــده طيبـــه يــاطيب:002:
|
رد: قصيده غزليه
بن مصعب
صح السانك ملايين جزلة وطيبه لاهنت |
رد: قصيده غزليه
صح لسااااااانك :21t::002:
|
| الوقت في المنتدى حسب توقيت جرينتش +3 الساعة الآن 11:46 AM . |
مجالس العجمان الرسمي