لا جديد في عودة ( السواد ) الى نكي


ف ( السواد ) توشحت به حياتي منذ بدايتها ..!





.
.

قبل سنه ودعتك وقلت : نامي

. . . . . . . انا حسبت الوقت لو ما حسبتي


حبيبتي واللي بقى من كلامي

. . . . . . . انا تعبت امن الهجر .. ماتعبتي ؟

انا وقلبي كلنا بأنتظارك ..!



.
.





لو بغني قصتك والحرف زان
ما تليق إلا على اللحن الحزين


ارسمك لوحه وأدور لك مكان
ما تليق إلا على جدار الحنين


يعتريني خوف ماحس بأمان
انتظرتك والأمل يمكن تجين


ماعداك اللوم دام الهجر بان
رغم ظلمك ماهقيتك تقدرين


اكتبيني جرح يقراه الزمان
واتركيني بمسح دموع السنين


مابكت لرضاي هي تبكي عشان:
مات حلم كان في صدري سجين


بعد هجرك شوفي شباقي رهان
طول بال وطيب قلب و دمع عين


وان قدرت انسى بقايا هجر كان
ماقدرت انساك وانتي تدمعين









لو مل قلبي ما أمل أنتظارك .!


.
.

أولك ذكريات و صوت ماله صدى
. . . . . . وآخرك دمع يا ليل طواه الغياب


مال لمثلي على قسوة زمانه جدى
. . . . . . غير بوح المشاعر والحبر والكتاب


كم عشان الاماني راح عمري سدى
. . . . . . وكم بذلت والوفا مانلت غير العذاب












.

لا يدخل الشك هوجاسك

. . . . . . . . ان طال بالوصل تأخيرك


من صوتك أحس ب أحساسك

. . . . . . . . ومن عينك أقرا تعابيرك


أصدق من الشوق ب أنفاسك

. . . . . . . . قلبي ولا يسكنه غيرك




.
.
.

يميل غصن الغرام أن هبت الذكرى
. . . . . . والعين تروي ضماها من مدامعها


ملت لياليك يا قلبي من المسرى
. . . . . . وأحلام عمري ردى حظي مضيعها


واللي على شانها شعري غدى يقرى
. . . . . . غابت وخلتني ابقى مع مواجعها .!


من ساعتين المفارق والحنين أزرى
. . . . . . أنه على قلب غاليها يرجعها ..


.
.