العم ولا البزي
السلام عليكم ورحمة الله وبركاته أخواني أخواتي الأعضاء موضوعي بسيط جدا في كتابته بس صعب جدا في جوابه - واحد عمره 30 سنه طلع مع ولد أخيه الي أكبر منه في العمر نفرض ان ولد اخوه عمره 40 سنه . وراحوا ضيوف عند واحد من شيبانهم ،، رحب بهم الشايب وقلطهم وبعد ماقلطهم ، ( أختار من يساول ويستعلم الأول فيهم ) العم ولا ولد أخيه ، ولماذا ؟؟؟ . فما هو ردكم شباب مع ملاحظة ان ولد الأخ أكبر من عمه ب 10 سنوات . الي مايعرف السوال انا بقوله علية : السوال : - الطرف الأول : كيف انت ؟ - الطرف الثاني : سلمت . - الطرف الأول : طيب ؟ الطرف الثاني : طاب فيك . وبعدها العكس بين الطرفين . تقبلوا تحياتي ،،، أخوكم / درع يام |
والله انا اقول يادرع يام ان العم هو المفروض انه يساول الشيبه
واذا كان الشيبه مايدري ان ذا بزيه اللي اكبر منه فاانا اقول البزي هو اللي يساول الشيبه وموضوعك يابن عمي لحسة مخ هههههههه |
:)
ههههههههههههههااااااي الشايب عارف ان البزي أكبر من عمه ب 10 سنوات ايش تقول انت ،،،، الشايب يساول العم الصغير ولا البزي الكبير . علي العموم اشكرك علي مرورك اللطيف واتمني مرورك مره آخري تحياتي ،،، أخوك / درع يام |
والله من وجهة نظري يادرع يام قدهو عم الصبي يعني حسبة ابيه ودك اكبر والا اصغر
|
مايصلح يسوووون قرعه بينهم هههههههههههههههههههههههههههههه
الصراحه انا وجهة نظري يسال العم ويتوكل على الله وان زعل البزي يساله ولا كن شي صار ههههههههههههههه لاهنت يادرع يام على الموضوع والتساؤل الطيب :) |
شكرا لكم أخواني الكرام علي المشاركة ،،،
السالفه هاذي صارت بين عمي وولد عمي ،،، حيث ان واحد من شيبانا ساول العم قبل بزيه بحكم ان العم والد فزعل ولد عمي لأنه أكبر من عمي ، وصار فيها جدل حول الموضوع وحبيت اخذ رايكم في الموضوع . وانا شخصيا مع العم بس اذا كان فيه احد منكم عنده جواب اكيد ومن واحد من شيبانا فاتمني يدلو بدلوه في هذا الموضوع شكرا اخوي راكان شكرا بدر القلوب تحياتي ،،، أخوكم / درع يام |
الوقت في المنتدى حسب توقيت جرينتش +3 الساعة الآن 03:21 PM . |
مجالس العجمان الرسمي