خير مانبدا بذكره ذكـر مـن حنـا عبـاده=خالق سبحانه الانسـان ومقـرر مصيـره
مايخيب اللي علـى الله اتكالـه وعتمـاده=عابـدِ الله عزوجـل مايـرضـى بغـيـره
مايلام المجتهد يامستمـع بعـد اجتهـاده=ولا أنا بطـوع الصعبـه وخليهـا يسيـره
نارنـا مشبوبـةٍ دايـم ولاتصبـح رمـاده=والفضل لرازق المعبـود عـلام السريـره
الرجل لاقال طـال ولاعمـل شـيٍ اجـاده=وكل رجـالٍ يصـور مايخفيـه بضميـره
يا وطنا كل عام وانت في خيـر وسعـاده=في عهد حكامنا ال سعود حكـام الجزيـره
حبنا ياموطني لك كـل يـومٍٍ فـي زيـاده=كيف ما نعشق ثرى دارٍٍ ربينا وسط خيـره
مايلام الشاعر بحبـه وفخـره فـي بـلاده=وعتزازه بالملوك اللي يقـودون المسيـره
عاش ابومتعب لنا قائـد ويانعـم القيـاده=كل شعب المملكه يذكـر فضايلـه الكثيـره
يابومتعب ياذرا الشعب السعودي ياسنـاده=كلنا ياسيدي وقـت الشدايـد لـك ذخيـره
الوطن غالي وقـت اللازمـه حنـا زنـاده=في المواقف ناصل المطلوب بسيوفٍ شطيره
موطني ياسيدي في عهدكـم زاد اقتصـاده=شجرةٍ في ظلهـا ننعـم بخيـراتٍ وفيـره
ياهل الفزعات والوقفات منتو بـاي قـاده=قادةٍ خيراتهاعمت علـى النـاس الفقيـره
وابو خالد ذخر في حر الزمان وفي بـراده=ياولي العهد ماننسـى مواقفـك الشهيـره
في عهدكم سيدي لبس الوطن أحلى قـلاده=مايشابه موطني موطن ولا يوجـد نظيـره
في عهدكم يأمن الخايف وكبر في الوسـاده=نزل المحزم وخلى السيف يرجع في جفيره
زال همه ونجلا غمه وطـول فـي رقـاده=والليالي أصبحت راحه بعد كانـت عسيـره
ابو خالد نزل المعبـود حبـه فـي عبـاده=والحظيظ الحاكم اللي مثل ابوخالد شويـره
الكرم والطيب والمعروف في شرواه عـاده=له يمينٍ خيرها وافر ولـه عيـنٍ بصيـره
ويابو متعب ياذرا الشعب السعودي ياسناده=كلنا ياسيدي وقـت لشدايـد لـك ذخيـره
سيدي باسمي أقـدم تهنئـة يـام ومـراده=كل عام الشعب والقاده بخير وبلف خيـره
و ياوطنا كل عام وانت في خيـر وسعـاده=في عهد حكامنا ال سعود حكـام الجزيـره

المشاركة الأصلية كتبت بواسطة مهرة النسيان (المشاركة 468915) صح لسانك .. ومبروك اليوم الوطني للملكة ودام عز ابن سعود فيها .. لاهنــت ..

المشاركة الأصلية كتبت بواسطة الفرس (المشاركة 468926) صح لسانك اخوي مسفر .. ومبروك عليكم اليوم الوطني .. وعساها كل سنه من امان في امان ... يارب ..

المشاركة الأصلية كتبت بواسطة عـسـاه خـيـر (المشاركة 469032) الاخ مسفر بن حمد ال رشيد صح السانك ولاهنت على هالقصيده الجزله ومبروك عليكم عيد الوطني وعسى تدوم نعمه الامن والامان .

المشاركة الأصلية كتبت بواسطة مصلح بن حمد بن حويل (المشاركة 469136) ارحب ارحب ارحب يابوسعوووووووووود الله يحييك وماجبت وصح لسانك ولاهنت قصيده جزله كما عودتنا على الجزاله دائمااااا ابدعت ولاغرابه في ذلك ,,, الوطن له حق علينا وانت قمت بالواجب وكفيت ووفيت ,,,, حفظ الله بلادنا وحكامنا من كل مكروه وادام الامن والامان في ربوع بلادنا الغاليه