يامل قلب(ن)يلوعه طاري الفرقا=كما يلوع الحمام الورق شيهانه
ان حولن حولت وليارقن ترقا =متعليتهن وهي حدبا وجيعانه

من كثر شوقي عليك وكثر ماأحبك=كن البشر غايبه في فترة غيابـك
غلاك في روضة المعلوق ومشبّك=عقّل مطايا الغرام ونـوّخ ركابـك

فيا مبلغٍ مني ذو المجد والثنا=ومن شب شارات المعالي مكاسبه
ثم ابلغه مني سلامٍ مضاعف=عدد ماهمل وبل السما من سحايبه
ويامورد الأسياف بيضٍ حدودها= ومصدارها حمراََ من الدم شاربه
ويازين راعي عوّدةٍ قصرت به=معقّبةٍ في تالي الخيل تاعبه
إليا قل ماء المرزمات واجدبت= وقل الحيا ووقات الأمحال كاهبه
بنيت لنا بيتٍ من العز شامخ=ســل اللــه أن لايهدم الضد جانبه

بعدك عذاب وسمع صوتك عذابين=يعني انا في كلّ الأحوال..ميّـت
الاذن شِبعَت منّك وجاعت العين=أبعدت حيل وشوفتـك ماتهيّـت

ما غشي عذب ماي الطيبين الأجاج=عادة الوقت يسرق بسمة اللى انتشوا
ولو عمى شوف من شقوا الحيا وخدشوا=ما انكشف ستر عذرا ما مشت باعوجاج

تعال بحكـي لـك سوايـا غيابـك=وزود العذاب اللي كسا وقتي أحزان
هذي عيوني بـس تطـرد سرابـك=تتخيلـك بيـن الزوايـا والأركـان

يطري عليه الوله وأطري على بالـه=يامرحبا لاضوى خلي علـى بابـي
لو الشجر له نصيب فـبارد ظلالـه=ماحرق القيض جفني وأنت فـأهدابي