متعب التركي ..والموت هيــن
 

السلام عليكم ورحمة الله وبركاته

تحيه عطره

روعه من روائع الشاعر متعب التركي وعاجبتني وذكرتنا بلقبر والموت فتحيه الشاعرها

وهي بعنوان الموت حــق


الموت هين والبلا وش ورا الموت ...عند الحساب يهـون سـهـم المنايا

باكر نمـوت وتصبح قبورنا بيـوت....عقب القصور بضيقات الزوايا

في جوف الارض وكل من حولك سكوت...وتعاقبـن بالقبـر عـوج الحنايا

يارب يامنجـي نبيك مـن الحـوت .. سترك وعفوك يـوم كشـف الخفايا

باكر ليا جينا علـى داعـي الصـوت ..شيبـان واطفـال وشبـاب وصبايا

ندعـي وحنا بيـن باكي ومبهـوت ...رحنا لها ننقـاد مثـل السبـايا

يارب تهديني قبـل لحظـة الفـوت .... وتغفرذنـوبي ياكـريـم العـطايا

اشكيك هـم داخـل الصـدر مكبـوت ...وايامـي اللـي بالخطايا مـلايـا

أن لاذبك من كان طايـع ومبخـوت ...فـي مـن يلـوذ المرتكـب للخطايا

يارب ياقادر علـى كـل طاغـوت ...لاياقـف اللـي وحـدوبـك خـزايـا

رحماك لامنـا صحينـا مـن المـوت ..واليا وقفنا عنـد بابـك عـرايـا



الله يرحمنا برحمته يارب

الفقير لعفو ربه

صح الله لسانك ولسان الشاعر ملايين

قصيده جزله ومعبره

لاهنت على نقلها

وجعل يمناك ما تعرض على الضوو

أشكركم الجميـــع على المرور الجميـــل

وعلى دعواتكم الطيبه وجعلك تسلم محمد