السلام عليكم ورحمة الله
كتبت هذه القصيده المتواضعه لكم املا مني ان ترتقي لذائقتكم العاليه

قالوا الناس وصّـف قلت قلبي يوصفـــــــه=رد قلبي يـــــــــــــا صديع مثلها ماله وصوف
قلت حاول قلت شبّـه قد ما تقدر عليــــــه=قال تدري اني ثمان أسنين مـــا غيره اشوف
انشد عيونك لعله مرهــــا مثله أحــــــــد=قلــــت يــــــا عينــي تحكي لـــــو خيال ٍ بالصدوف
طالعت فوق وتأنت وهرجة هرج ٍ غريب=مـرنــي في يـــــــوم صـدفه زول يشبه للهنوف
سرت اتابعها وردد حسنهـــــــا يا حسنها=تنتقل بين الأمــــاكن من رفوف إليـــــا رفوف
لو كتب للرف يحكي كان سمّا لمشيهـــــا=كنها خطــــــــوات مهره جامحـه قِدم الصفوف
قلت يمكن به شبـه . رد في ضحكه علي=قــــال قلبــــــك شفت هـــذي من سبايبها مخطوف

اخوكم / محمد الغيثاني

ياسلام على الابداع والقصيد ..

صح لسانك مدد بلا عدد .. ابيات ذووويقه ومفهومه :)

بانتظار جديدك ياشاعرنا ..

هذا من ذوقك يامهره واسعدني انها حازت على رضاكم واسعدني مرورك العطر الجميل

لاهنتي يالفرس على ما قلتي واسعدني جدا جدا مرورك العطر والله يسلمك ويحظك لكل عين ترجيك تقبلي تحياتي