|
رد: ذكــريــات عـبدالعــزيز
يامسلمين ليادعيتم للاسلام ==== ترا الدعاء ماهو مغير لفلسطين
للمسلمين بشرق الاقطار والشام ==== بالهند بالصومال بارض الفلبين وكشمير والافغان وبلاد صدام ==== والترك والشيشان مع مصر والصين مع دولة السودان مع كل منظام ==== واهم شي اللي بكوبا مساجين |
رد: ذكــريــات عـبدالعــزيز
شعري اللي منبعه من جوف صدري......مادعيته لين شفت أنه دعاني
للقصيــد شـروط والشعــار تــدري......غير وزن وقاف تنسيق ومعاني |
رد: ذكــريــات عـبدالعــزيز
ان كان ودك تعرف إبليس عن قرب.......أدخل محلاّت الحريبي وسربال
خلفك مره يارجل وخّر عن الدرب.......لاتعترض درب النساء وابت رجّال! ياكثرهن بالسوق سرب" ورا سرب.......ماشوف غير عيون ونـهـ واذ....ال ذيك الحبارى تنتظر جيّة الخرب.......اللي تركها بين شارع وعمّال وهذيك تلقي درس عن جدول الضرب......تعليم ليلي والتلاميذ بنقال! ياهيئة المعروف ماينفع الضرب......شوفولهن صرفه ترا شرهن طال أما اعزلوهن مثل ماتعزل الجرب......والا إمنعوا عباية الكتف والشال صارن علينا أشد وافتك من الصرب......والعن من إسرائيل في بعض الاحوال يالله ياللي تفرج الضيق والكرب.......أمّا أهدهن والاّ أحصهن ثمّ زلزال |
رد: ذكــريــات عـبدالعــزيز
ظلمتني ظلم دوريات" أمنيّه...........لضعيّف" من ضروف الوقت ماجدّد
وشلون ماخفت ربّ" يعلم النيّه...........يامخفي السر رغبه مدري مهدّد ماتنطق أحبّك ألاّ عقب جاهيّه...........وتقولها وانت متحسّف ومتردّد |
رد: ذكــريــات عـبدالعــزيز
ياولد عمّي لياهاضت قريحه ...... عند شاعر من شواعير الأغاني
أتركه جعل الولي عنّا يزيحه ...... مايسمّى شعر هذا نوع ثاني ماقشر المكياج بوجيه" قبيحه ...... والكلام اللي يبيله ترجماني مار خذها من ولد عمّك نصيحه ...... موت عزّ ولا حياة" بالهواني لا تطيع النفس تاقع بالفضيحه ...... ماعلى الدنيا يابن عمّي ضماني |
رد: ذكــريــات عـبدالعــزيز
لك في ظميري وجود ولك معي طاري..........على مدار الزمان أيام وليالي
ان كان مشتاق ودك تعرف أخباري..........أخباري إنك خذيت القلب ياغالي جيتك بليل الهوى متعنّي وساري...........أمشي على ضوّ خدك بالخلا الخالي |
رد: ذكــريــات عـبدالعــزيز
عساك بالدنيا تعيش بسعاده ==== وبالآخره عساك في جنة الخلد
يا من خذيت الطيب مذهب وعاده ==== لعل من عاداك للسجن والجلد من رايي الشخصي عطيتك شهاده ==== في مثلكم لا تحمل إنثى ولا تلد |
رد: ذكــريــات عـبدالعــزيز
البارح أنا وروحي حرب ومفاتن **** أنا أعلن التوبه وهي ترفض الفكره
قصدي أعوّض سنين" بالجهل فاتن **** وهي قصدها الملتزم هذا الزمن يكره |
رد: ذكــريــات عـبدالعــزيز
ألقاك في قلبي متى مابغيتك.............واكررك في خاطري واستعيدك
وليادخلت إرشيف مخّي لقيتك............يا من خذيت القلب والعقل بيدك |
رد: ذكــريــات عـبدالعــزيز
أعشقك عشق النداوي للطلوع..........يوم نادولـه وفكّــوا برقـعــه
لو تغيب شوي سمّيتك قطوع...........حيث في شوفك لعيني منفعه غيبتك ياصاحب النفس الولوع...........تسهر عيوني وقلبي تخلعه |
رد: ذكــريــات عـبدالعــزيز
هلا باللي عيوني لحظر قامت تهليبه ** ترفّ عيوني لشوفه وتفرحبه شراييني
وانا أفرح لطبني شي والبّي مطاليبه ** وانا أسلّيه لجاني علشانه يسليني وله عندي هديّه غاليه بمناسبة طيبه ** أقدّم له على حسن التعامل قلبي وعيني |
رد: ذكــريــات عـبدالعــزيز
يفز قلبي على نغمات جوالك.............واقوم أرحّب بجوالك وارحّبّــك
أبلشتهم من كثر ماذكرك واسعالك............اللي مدحك أمدحه واسب من سبّك |
رد: ذكــريــات عـبدالعــزيز
أسمح لقلب المحب أنه يزورك..........مع بداية كل لحظه من حياتك
وانت لو تحظر يشرّفني حظورك..........أفتخر لصرت ضيفي من غلاتك |
رد: ذكــريــات عـبدالعــزيز
ما يغثّ البال ويضيّق الصدر الوسيع..........غير زلاّت الحبايب بدون أدنى سبب
والله ان الظلم ياصاحبي ذنب" فضيع.........والغريب أني معك ملتزم حسن الأدب كيف تجرحني وانا اللي عطيتك ماستطيع.......أعتقد هذا العجب هو سبب كل العجب صرت بعيونك دهر وانت بعيوني ربيع.........كاسبلّك سلم ماهو من سلوم العرب |
رد: ذكــريــات عـبدالعــزيز
ياسيدي يوم ان كل" له اسياد........من غيرك اللي يستحق السياده
حنا ابتلينا بناس للناس حساد........ناس" خذوا سلم الشياطين عاده على بعضهم ضيق وهموم وانكاد........وعلى المعادي وسع صدر وسعاد ياسيدي وجروح الايام تزتداد.........والمشكله ماعاد أطيق الزياده فزعتك يا من فزعته مالها أضداد........قبل أتحوّل تحت ناري رماده |
رد: ذكــريــات عـبدالعــزيز
بسـم الله الرحـمــن ربّ السمــوات ..... بديت باسمه وافضل الذكر ذكره
ولياختلط مع هاجس الشعر سـجّـات ..... حكرت قافٍ يتعب الناس حكره العــيـد بكــره ياعـيـوني ســلامــات؟! ... تكفـين لا تبـكـين والعـيـد بكـره قالـت حـزينـه والمـدامــع حـزيـنـات ..... والا تراي أكره مثل مانت تكره قلت أصبري قالت نفد صبري ومات ..... طيرٍ غدا واللي بقي معي وكره قلـت أيـه مـعــذوره ولا من مـلامـات ..... واللي يلومك ما معه ربع فكره ياعــيـد سـامـحـنـي تـرا كـلّـي آهات ..... والمعـرفـه بعـيوني اليوم نكـره فقـدت أبـوي وفـاقــد ابـوه بـالــذّات ..... تـلـفّـبـه دنيـا العـنا لـفّ مـكــره اضحك واداوي حر فرقــاه بسـكـات ..... وصبحي ظلام وحالة الجوّ عكره تـمّ الكــلام اللي خـتـمـتـه بـكـلـمـات ..... ولله حـمـده وامـتـنـانـه وشـكره ويالعبد مهما طـال عـمـرك سـنـوات ..... للعـمـر وقفـاته وللمـوت سـكره |
رد: ذكــريــات عـبدالعــزيز
الخوّه اللي ماهي لله ماهي خوّه..............أحطّها تحت رجلي واتوطاها
أبحتزم ضدها واستخدم القوه.............واحدها لين أوردها على أقصاها إلى متى انزيّف الاعذار ونموه.............ونضحك على أرواحنا ونزيد بلواها ونعيش في عالم" مشبوه ومشوه.............به عيشة الضنك بضع سنين عشناها عالم سخط وانحطاط ومظلم" جوه..............منه المصايب على أنفسنا جنيناها وصرنا على مايريده كل متفوه..............باسبابنا برر الغيبه وزكّاها أقول راح الجهل واثر الجهل توه.............اثر الجهل طاول سنيني وخاواها وان جيت للقاعده في منهج الخوه:- .......... (الخوه اللي ماهي لله مابغاها) |
رد: ذكــريــات عـبدالعــزيز
يا محلا المكشات في روضة خريم ==== مع واحدن مايدبل الكبد طبعه
معلّـمــه ربـّه ما يحتــاج تعلـيـــم ==== لو خانتــه دنيـاه ماخـان ربعه |
رد: ذكــريــات عـبدالعــزيز
ياناشد العالم عن أسباب حزني.............حزني عميق ويعلمه عالم الغيب
ماني بـ فرصه سانحه تنتهزنـي.............ولا ني من اللي يجهلون المواجيب |
رد: ذكــريــات عـبدالعــزيز
الصمت قاتل والسوالف متاهـه .......... علـى كـذا راع الحيـا بين ناريــن
واجب على العاقل يزيد انتباهه .......... بالذات في وقـتٍ ضعوفه سلاطين |
رد: ذكــريــات عـبدالعــزيز
صد وتنكر عقب ذيك الرفاقـه .....
ياليتني عن رفقتي ذيك خيرت اتلا العهد به يوم قطع العلاقـه ..... للغرب سيّر يوم للشرق سيّرت قدمي طريق الخير واسع نطاقه ..... وإليا تغير صاحبي ماتغيـرت طلعت سالم لو شعرت بحماقـه ..... مستني الطيره وانا ماتطيـرت اللي علشانه كرهت الصداقـه ..... إلا صداقة واحدٍ فيـه نيـرت ماعاد يحزني جفـاه وفراقـه ..... فرقاه عيد وعقبها ماتحيـرت الله عطاني عقل فهـم ولباقـه ..... إليا بغيت اختار صاحب تخيرت |
رد: ذكــريــات عـبدالعــزيز
ياساكن القلب قلبك مسكن لقلبي .... قلبك سكن قلبي وقلبي سكن قلبك
فيك الوفاء إيجابي ومنك الردا سلبي .... عنك الردا شد يوم الطيب نازلبك ان كان لي حق عندك لا تماطلبــي .... شفني تحمّلت كل إيجابك وسلبك |
رد: ذكــريــات عـبدالعــزيز
يازين سجّات الضمير اللي يسلّن الضمير .. لو ان بعض أحيان سجّات الضمير اتعذّبه
لكن لياجينا الصحيح الشر شر الخير خير .. مره تصير مناسبه واحيان غير مناسبه وان كانها قامت على راسي تلف وتستدير .. الفكره اللي محتواها بين أكيد ومشتبه ضربتها في حايط الذكرى يصير اللي يصير .. لا بارك الله في شجيعٍ مايقوم بواجبه |
رد: ذكــريــات عـبدالعــزيز
يامختفـي عن عين غاليـك فتـره .... فترة غيابك خلّت الحيـل فاتــر
البستني من لبس الاحزان ستره .... لو كان ما في لبس الاحزان ساتر الوصل ثوب وبشت أماره وغتره .... والهجر وصفه ماتشيله دفاتر |
رد: ذكــريــات عـبدالعــزيز
يانجمـةٍ بين النجوم المضيئه ........... ضوّك يضوّي ضامي الشوق بدري
متلبّسـه بالجرم وانتي بريئه ........... من لبّسك في لبس الاجرام مدري! الآدمي مهما أرتكب من خطيئه ........... لشاف مخطي قال ضيّقت صدري! |
رد: ذكــريــات عـبدالعــزيز
شربت كاس الحبّ من كفّ ساحر ..... واصبحت من كاسٍ به السحر مسحور
راع الهوى منحور والحـبّ ناحـر ..... وانا الذي من دون سـكّـين مـنـحــور! |
رد: ذكــريــات عـبدالعــزيز
ياطبيب القلب ماعندك دوا ......... يصلح لفؤاد مجروح الغرام
أشهد اني رحت في يدها هوا ......... ماصفالي لا شراب ولا طعام من سرح بالقلب وابطى ماضوا ......... انتقم من صاحب القلب إنتقام يامقــامـي يارفــيع المســتوى ......... إبق في موقعك الاول يامقام كل ما ذيب الدهـر قدمــك عــوا ......... لد يم البندقيه والحزام قــول ياسرحــان ملعــون الثـوا ......... كان تبغاها لعانه ياسلام لو تبي نهرف سوا نهرف سوا ......... أو تبي ناكل بعض راي" تمام من ورد حوض البلايا وارتوى ......... ماحسب للسقم بعد الإرتطام جيت أعدل ساق بقعاء والتوى ......... ثم صار النور بعيوني ظلام هو صحيح الصدر ولّع وانكوى ......... لاكن الصبر القوي فك اللحام مايشيل الطور عن وادي طوى ......... غير من يحيي رميمات العظام من قرا العنوان فهم المحتوى ......... غير دلخ" للفهم يحتاج عام |
رد: ذكــريــات عـبدالعــزيز
يزعل عليّه واعتذرله واقول أنس ..... لا قدّر أعذاري ولا شاف طيبي
يامـحـترم ياشـيخ يامـير يابـرنـس ..... ماني بـ قايل سـيّدي ياصحـيبي ترا إختلاف الطبع والحال والجنس ..... مايخلف شعور الغلا ياحبيبي |
رد: ذكــريــات عـبدالعــزيز
عطني غلا واعطيك صدق وميانه ...... وازيـدهـن حـبٍٍّ يعـادل مـية حـبّ
أمّـا كـذا والاّ تـرا مـعـك أمـانــه ...... تبعد وانا أبعد لا مدايح ولا سبّ الحـبّ له تخصـصـه وامـتـحـانـه ...... يعني مثل لو أطلـبك للطـلـب لـبّ عندك ضمان الحبّ عندي ضمانه ...... وان كان ماعندك ضمان الهوى تب الحبّ له عندي مقام ومكانه ...... والهجر عقب الوصل جرحٍ بعد طبّ والقلب مركز والمشاعر كيانه ...... شيّد كيان القلب ياصافي القلب |
رد: ذكــريــات عـبدالعــزيز
بكيت لين انه صفا راسي وجفّت دمعتي .... ما ردّلـي كـثر البـكـا غـالـي ولا عيّنت خـير
ياوقت سجّل كلمتي واكتب بقايا حكمتي .... هو منهو اللي رجّع المفقود بالدمع الغزير؟!! |
رد: ذكــريــات عـبدالعــزيز
ياطـويل العـمـر مـن لا عـرف قــدر الرجــال .. .. ضـاع قــدره بـيـن نـاسٍ عـزاز نـفـوسـهـا
تدّعـي بالكـذب والكـذب هـو سـاس الضـلال .. .. ضـلّل أصـحــاب الريـا كــذبـهـا وفـلـوسـها ليـه ماتـاخــذ تـجــارب مـن دروس اللـيــال؟ .. .. اللـيـال السـود تـنـفـعــك بـعــض دروسـها مثل درس (إحساس الانسان يعطيه إحتمال) .. .. والصحيح (أخبار الامطار عند عسوسها) ومثل (إذا تجهل طريق العـرب روح وتعـال) .. .. ثـمّ عـدّل مـشــيــةٍ كـنـت قـبــل تـحـوسـهـا ومثل (حسن أخلاق الاحباب يدعو للوصال) .. .. ومثل درس (أفزع للاصحاب ترفع روسها) |
رد: ذكــريــات عـبدالعــزيز
هذي رساله واضحه ماتبي شـرح ......... مظمونها : ماعاد لي خلق بالنّتّ
النّتّ ضيقة خلق وانا أحسبه مرح ......... ياليـتـنـي فـي عـالـمـه ماتـبـيّـنـت ياجرح تدري ويش يعنيلي الجرح؟ ......... الجــرح يـوم انّك بقـلـبـي تمكّـنت يا من بنيت بداخلي عالي الصـرح ......... تعال واسكن داخل الصرح لا هنت |
رد: ذكــريــات عـبدالعــزيز
يامدوّرٍ من شجرة الحنظله ورد .......... الورد والحنظل لا يمكن تواجـه
إلا إذا ريـم الفـلا يشبه القرد !! .......... على كذا حتّى الحبارى دجاجه! |
رد: ذكــريــات عـبدالعــزيز
صحيح انّي غفلت وكنت ماحسب للامور حساب ...... لكنّي ناوي أنهض نهضةٍ ماعقبها غفله
أنا اللي كنت أجامـل واتحـمّـل لـيـن ظـنّـي خـاب ...... وانا اللي يوم ظنّي خاب أببدا شنّة الحمله وانا إسـتاذ اللغـه والنحـو والتشكـيل والإعراب ...... يوم ان أكثر عباد الله مايعرف يعرب الجمله وانا دكـتور فـي علـم الحـوادث تتـبـع الاسـبـاب ...... وباحث في مجال الفرق بين الجمع والعزله أعرف الناصح الصادق واعرف المادح الكذّاب ...... صدوق الفعل أصدقله وراع الكذب أكذّبله وانا جرّبت غـلـطــات القريب وغلطـة الاجـناب ...... لقيت ان القريب أشـدّ شـرّ وغلطـتـه خـبـله ولاني مـلـحـق الدنيـا مـلام ولا عـلـيـهـا عــتاب ...... ملامي يوم ألـوم ألـوم رجـلٍ ضـيّـع القبله يصلّي عـابـد الدنيــا وقـلـبـه عن صـلاتـه غـاب ...... ولو حــاولـت أعـدّل سـيرته ماهي بمنعدله |
رد: ذكــريــات عـبدالعــزيز
بمناسبة دعوة المنافقين لما يسمّونه (المساواه) بين الرجل والمرأة !!
المساواه بين الجنس والجنس الآخر ..... مطلبٍ لو تحبّون السماء ماتحقّق لو قلبتم جبال طويق إلى قصر فاخر ..... ولو تمـعّـن معلّمكـم وركّــز ودقّـق ماتقـود البـواخـر مـن يقـود البـواخـر ..... قفّل المحظر وطشّ القلم يامحقّق ماتحوّل طريق السمع عبر المناخر ..... وثوب الايمان يبقى ضافيٍ ماتشقّق |
رد: ذكــريــات عـبدالعــزيز
يابنـي علمـان دوروا للـورا وارتـدّوا .......... هجمةٍ من رجل كافر شاتها وارتدّت
كم تلقّيتم هزيمه من طرفتا عدّوا .......... كم وكم حذفه حذفتونابها وانصـدّت |
رد: ذكــريــات عـبدالعــزيز
اقتباس:
ما بين القوسين خطأ مطبعي . المقصود: (طرفنا) وليس (طرفتا) . |
رد: ذكــريــات عـبدالعــزيز
ياكاتب التاريخ وشلون تنسى؟=مواقفٍ نسيانها صعب جداً إيطاليا والبرتغال وفرنسا=بعد اقبلن دارن ورا واستعدّن باسباب بلقيس وخديجه وخنسا=الباديه فازت على اهل التمدّن |
رد: ذكــريــات عـبدالعــزيز
ابتسم واضحك ولكن بانتظام=ماحلا البسمه مع الجو اللطيف ابتسم للنور من بعد الظلام=واعتبر نفسك على الايام ضيف ابتسم وارسل مع البسمه سلام=للمصاب وللفقير وللضعيف |
رد: ذكــريــات عـبدالعــزيز
ياتاجر الورد لو تسمح نبي ورده=الورد مطلوب بين الحين والاخر الحبّ سحرٍ طبيعي حرّه وبرده=وانا تفاصيل حبّي نوعها فاخر ماكل ضامي غلا جمّ الغلا يرده=ولاكل قلبٍ بمكنون الغلا زاخر طارد سراب الهوى ماينفعه طرده=لاضاق بدّل هواه بنقده الساخر |
| الوقت في المنتدى حسب توقيت جرينتش +3 الساعة الآن 08:45 PM . |
مجالس العجمان الرسمي