مجالس العجمان الرسمي - واليا طعنت من الخلاف ..؟؟

مجالس العجمان الرسمي (http://www.alajman.ws/vb/index.php)

- مجلس عيون الشعر النبطي (http://www.alajman.ws/vb/forumdisplay.php?f=29)

- - واليا طعنت من الخلاف ..؟؟ (http://www.alajman.ws/vb/showthread.php?t=57491)

واليا طعنت من الخلاف ..؟؟

قصيده راقت لي كثيرا لشاعر الكويتي ( ناصر العجمي )

سامرت براق شعاني ضيه
خارج نطاق الصوره الرجعيه

يجذب سنا نوضه خيال الضامي
اللي يعس فجوج الايحائيه

فان كانه امطر علم يا عبدالله
والا اعتبرها مزنة صيفيه

احاول اطوي لك تجارب عمري
وافل لك من مهجتي مطويه

عطني من عيونك فديت عيونك
بسمعك ماهي عطا ... عاريه

لو تعلم ان لي ضحكة ممزوجه
مغيب شمس وصبح عيد الضحيه

كان امتطيت الجرح يا خياطه
حتى تشوف ابعاده النفسيه

استر عن عيون الشماته جرحي
واقول وش هي طعنة الجنبيه ؟

اكابر بصمتي وافل احجاجي
والناس ما تدري وش اللي فيه

تسمو صروح الراحه المنشوده
اللي بلبنات التعب مبنيه

مغانم الدنيا بحر من دونه
اتذود تيارته المائيه

والادمي حظه على الما شوعي
اما طبع و الا سلم راعيه

ما يدرك الغايه سوى متثبت
كم روحة ما جاء بعدها جيه

تبسم ونادى الحياه تجي لك
واعقد لصلفات الطرايق نيه

واليا طعنت من الخلاف ادري انك
قدم العرب والطعنه الماريه

لا تعرض الذمه على السوامه
خلوك في رمضا وهم في فيه

المال لو يشري ضمير ابن ادم
ما يشري اقلوب البشر موليه

انطقت لك من صمت فكري لوحه
= لك التأمل والتألم ليه =

فان غيبت شمسي صروف الدنيا
انت الرجاء كله وشمسك حيه