مجالس العجمان الرسمي - بعد جده من الصين

البارحه يوم المخاليق ممسين
العين عيت تهتني بالرقادي
وان قلت ياعين الشقاء ماتنامين
قالت حداني عن حلا النوم حادي
قلت السبب قالت فراق اريش العين
اللي غرامه ساكن في فؤادي
اللي جرى حبه بمجرى الشرايين
مالي بغيره من جميع البوادي
قلت الحقيقه ذاك وينه وانا وين
جدهبعيد ولا بلاده بلادي
بيني وبينه بعد جده من الصين
والحظ الاقشر ما عليه اعتمادي
وانا انصحش ياعين عنه تجوزين
مادام مايوحي النداء لو تنادي
قالت حشى ما نسى هوى كامل الزين
العمر متلاه التلف والنفادي
للشاعر جابر الشويرب المري