|
رد: على جدار الصمت !!
للحنين غصـه , , , , يطري علي حزة هبوب الهبايب=وتطري علي دموعه اللي ذرفها الله وأكبر يا زمان العجايب =الحظ يلعب لعبة(ن) ماعرفها أهّون مصايبنا (فراق الحبايب)=والخافيه بالصدر محد(ن) كشفها صعبه نلوم الراس لا صار شايب=هاذي تصاريف الزمن لا صرفها / / / يا ليت لا هبت هبوب الهبايب=انسى دموع العين يومه ذرفها
|
رد: على جدار الصمت !!
( الـمـ ســاء ) فـي ( الـمسـاء ) ^ ^ ^ لسان حال كل من يقضي اليل في : هم / وغم / وحسره / وندم / / / حزين يا ليل(ن) سـهرته لحالي=مـال السـعاده فيـك مثـقال ذره |
رد: على جدار الصمت !!
(( قــلب المــعّـنا )) , , , , يا حبيبي والله أني على شوفك شغوف=والدقايق في غيابك يمرني ليال ودي بشوفتك لكّن حالن الظروف=الزمن دوار والحظ ما فيه اعتدال وانت لك طيف(ن) سحرني ولا كل الطيوف=قمت اخايل صورتك من جنوب ومن شمال وش بقول امن المزايا واقول امن الوصوف=الله اللي كملك بالجمال وبالدلال حالف(ن) لأنصاك لو دونك اسل السيوف=كيف ابيعك وانت لي في حياتي راس مال؟ هد يا قلب المعنّا ترا الصبر امخلوف=لك ثلاث ايام مالك على الصبر احتمال بكره يزين الزمن يا حبيبي والظروف=وترجع ايام الهنا معك وايام الوصال |
رد: على جدار الصمت !!
http://www.almumen.com/log/wp-conten...o1600_full.jpg القـمر لـيس ذالـك الكـوكـب الـسمـاوي الـذي يـدور فـي مجره فضـائيه / القـمر لـه مـعانـي كــثيره , , , الـقمـر مـلهم الـشعراء والـعـشاق / وهو الـذي يـضيء بـنوره طــريقهم ,, فـشعـاع القـمر وخـيوطه لا تـتسـلل للـشبابيـك فقـط بـل تـتسلل الـقـلـوب فـتنـيرها كمـا انه يكـون الـشاهد الـوحيد عـلى ( مــوعد العشّـاق ) ويـشاركهم فرحـة الـقاء / ولـذة الهنـاء فـي الوصـل وتـجديد الحـب , , , / / / ولكـن مـاهـو شـعور من يـقـضي اللـيل بلا ( قمـر وحبـيب ) . . . .؟ / / / غاب القمر يوم خلي غاب=مدري على الله متى يضوي..؟ |
رد: على جدار الصمت !!
هاذا المتصفح( حزين وبائس ) ولكن مرور اي شخص يبث روح ( السعاده والتفاؤل ) في قلب صاحب هاذا المتصفح , , , فشكرا لكل من توقف هُنا وقرأ ما يُـكتب على هاذا الجدار :a28: |
رد: على جدار الصمت !!
(( الصمت جميل في بعض الاحيان / ولكن اذا طال يشارك في جرح القلب )) , , , يا بداية رحلتي يا اجمل ختام=استمع صوتي لو ان صوتي بحيح لا يطول الصمت فعيونك كلام=لا تخفي شرهت القلب الجريح كان في صدرك عتب والا ملام=ليه صمتك طال . .؟ ولسانك فصيح ومازال الصمت يشارك في نزف الجروح ومازلت انتظر ان ينكسر حاجز الصمت / حتى يخفف الحديث بعض الالأم :a28: |
رد: على جدار الصمت !!
في اخر لقاء لي معها كان الجو ممطر ,, وكانت قد حضرت الى الموعد بجمال ,,, كنت سعيد لحضورها نتجاذب اطراف الحديث كأي عاشقيّن اثنين ,, امسكت يدي وقالت : ماهو شعورك لو في يوم من الايام فقدتني ؟ تخيلت حياتي بدونها ,, فلم استطع ذالك لم يكن سؤالها لتعرف مدى اهميتها في حياتي ولم يكن لتتعرف على مقدار حبها في قلبي ,,, لقد كان تنبيه وانذار للفراق ... / / / يا برد الليل يا طول المسافه=يا درب(ن) ما جهلته لجل اخافه اشوفك واقع(ن) عاشه كياني=واشوفك حلم واشوفك خرافه الا يا وقت كافي من جروحك=جروح القلب ما تحتاج اضافه انا قلبي شكى من جور خله=سوات النهر يشكى من جفافه شعوري هو شعوري ماتغيّر=احب الوصل والا البُعد اخافه حبيبي غاب مدري وين داره؟=عليه اسوق وجدي والحسافه وعليه اهل دمعي كل ليله=وعليه الشعر ولحونه وقافه الا يا وقت ليته بس يرجع=ويترك كل ماضينا خلافه واذا مرتاح في بعدي وهجري=( يرد القلب لو مابه كلافه) |
رد: على جدار الصمت !!
, , , ,http://www.thebrighamgalleries.com/A...ileySorrow.jpg سجين اي والله اني بالمحبه سجين=صـدر علي الحكم والوقت ماله امان لاهنت يا حظي المايل وجرح السنين=الحين لو تعتذر بأقول : فات الأوان |
رد: على جدار الصمت !!
:a28: :a28: :a28: فاح ورد الشوق فالصدر والغالي بعيد=ومايقلل قدر الاحباب طول غيابها ما جداي الا التوجد / وترديد القصيد=والدموع اللي تفّنن بجرح اهدابها |
رد: على جدار الصمت !!
( بحر الحزن) , , , يا صاحبي لو تعقد الحبل محلول=لا تعتذر بأعذار ماهي سمينه جريمتك ما سجلت ضد مجهول= مجرم وسكين الجفا في يمينه معقول تنساني بلا ذنب معقول=وتنسا ليال الحب واحلى سنينه ..؟ تركتني ..ضايق / وضايع/ ومذهول=من شافني يدعي عسا الله يعينه كنت ..الفرح /والشوق / والماس /واللول=واليوم ورّثت الجروح الدفينه سبحت (بحر الحزن) بالعرض والطول=مدري متى يلفي شراع السفينه لاحّول يا فرقا المواليف لاحّول= الله يعين اللي مفارق ضنينه بأصبر على جور الليالي وانا اقول=( من شان خاطر عين تكرم مدينه) |
| الوقت في المنتدى حسب توقيت جرينتش +3 الساعة الآن 03:27 PM . |
مجالس العجمان الرسمي