|
ياعلي لاجيت العرب لاتجي ديش ::: خبل ليا جاب السوالف سردها !!
السلام عليكم ورحمة الله وبركاته قصيده لشاعر من الطراز الأول فرض وجوده من خلال شعره الذي يمتاز بالسلاسه والحكمه والمعاناه والعذوبه هوشاعر الكويت الكبير صــــقر النصـــــــافي :
ياعلي خل العيد لام الدناديش =اللي كـل يوم تـنظف جـسدها تبغى تماري ناقضات العكاريش = في كل ملفاح تنقض جـعدها العيد عيد الله ولو فات حتيش = من حسبة أيامٍ يمرك عــددها نبي نعلمك المساري على الجيش = تمشي ذلولك لين يفتر جهدها خابرك ما انت ضاري للمطاريش = نبيك تونس حلوها من نكدها ليلة على مسرى وليلة مغابيش =وليلة نخـلي نومها لمن رقدها وليلة على تمرة وليلة على عيش =وليلة نوكلك الشحم صيد يدها ياعلي لاجيت العرب لا تجي ديش = خبلٍ ليا جاب السوالف سردها احفظ لسانك لايجي فيه تبطيش = تصبح عيونك كايدات رمـدها يجيك من ينشدك نشدة تقتيش = يبي يسـنع هرجـه يعتمــدها خله يقوم مفلت مافي يده ريش = يروح منك وحاجته ماوجـدها ترى دعابيل الخبول والفوانيش = تبدي بما فيها ولاحـد نشـدها يجيك واحدهم يورش توريش = عجاجته يسبق مطرها رعـدها والا غمقات السوالف مناقيش = قراية الكلمة على اول عــددها تجي سوالفهم بضحك وتبهيش =وقلوبهم مـحد يفكـك عقدهـا المنـــــــــــــــــاجي |
لا هنت يا المناجي قصيدة رائعة لشاعر غني عن التعريف فهو يوظف المفردات في مكانها المناسب ليصل معناها كالسهم الى وعي المستمع.
صح لسانك على الاختيار الرائع. |
صح لسانك اخوي المناجي ولسان شاعرها قصيدة جزله واختيار موفق |
ابو حمد الشامري ..
ولا أنت طال عمرك ..شكررررررررأ على مرورك تقبل تحياتي .. |
ابن وعيل ..
صح بدنك ..والله يرحم شاعرها ويسكنه الجنه .. تقبل تحياتي .. |
لا هنت يا المناجي قصيدة رائعة لشاعر غني عن التعريف فهو يوظف المفردات في مكانها المناسب ليصل معناها كالسهم الى وعي المستمع.
صح لسانك على الاختيار الرائع. اخوك \ فهد بن محسن |
فهد بن محسن ..
ولا أنت طال عمرك ..هذا من ذوقك ولأ نك قارء جيد.. تقبل تحياتي ... |
| الوقت في المنتدى حسب توقيت جرينتش +3 الساعة الآن 01:33 PM . |
مجالس العجمان الرسمي