|
مصافحة اولى لكم يا شعار ويا اعضاء
ماتعود نبض قلبك على صدق الوعود= ولاتعلم كيف يجرؤ على طرد السواد كم قتل بيدينه الحلم في عمر الورود= واستلذ بـموت الافراح برماح العناد كل همه بين الاحباب ماينقص يزود= وان تعدى موسم العشق يكفيه الحصاد مـاتقيد بالمـساحة ولاعــنده حـدود= خطوته للنار تسعى وترجع للرماد وانت تضحك مقتنع فيه راضي بالجحود= مادريت انك بتبكي على صدر الرماد ياضعيف ان كان قلبك على قلبي حقود= انتبه والسن بالسن في وقت السداد مايعيش الحر صابر على فرض القيود =في حياته صحوة العز ماترضى الحياد يستغيث بقوة العزم في درب الصعود= وان سرى مايمرح الا على ظهر الشداد أي نعم ماقابل الظلم في نظرة برود= ولعت واليوم خذها مثل قدح الزناد ذوقها واستعذب المر من كف الصدود = لين تعرف خط سيرك وترجع للرشاد المحبه مالها الا مواثيق وعهود= والنوايا مشرق الوجه والحب اجتهاد والخطايا تجعل الشوق ينتابه جمود = وانت عبره من عرفها تعلم واستفاد هذي الدنيا على الناس مع مر العقود = قلب ينعم في حياته وقلبٍ في جهاد ويشهد الله جيت مخلص وكرست الجهود= بس شفت الكائن الحي متحول جماد الشاعر / منصور عبدالله الديحاني |
يامرحبا يامنصور الديحاني، صح لسانك يالغالي ولاهنت على هذا الحضور الرائع. قصيده جزله من جزل. تقبل فائق أحترامي وتقديري متمنيا لك التوفيق. أخوك |
صــــــــــــــــــــــــــــح السانك يا منصــــــــــــــــــور الديحاني
قصيده رائعه لا هنت |
ارحب ارحب ارحب ارحب ارحب ارحب ارحب ارحب ارحب ارحب ارحب ارحب يامرحبا مليون يابو عبد الله وابلغ من حروف قولة مرحبا .... يا الله حيه .. الله يحيك يابو عبد الله ويشرفنا وجودك .. وحضورك بينا يالغالي .. وتشكر على تلبية الدعوة يالغالي ولاهنت وبيض الله وجهك صح لسانك .. ولاهنت .. وسلمت يمينك يالسنافي ,, قصيدة جزله من راس جزل تحياتي لك اخوك \ فهد بن محسن |
لاهنت يا ابوعبدالله على القصيده الرائعه ومنتظرين ابداعاتك القادمه لك مودتي
|
يامرحبا يامنصور صح لسانك وقصيده جزله ننتظر جديدك |
| الوقت في المنتدى حسب توقيت جرينتش +3 الساعة الآن 06:30 PM . |
مجالس العجمان الرسمي