الله يعز شعار نخله وسيفين = ديرة هل التوحيد والعلم شاره

وحنا بدار مرجحين الموازين = فيها عزيز القوم ماصك داره
تلقى الكرم والطيب والعز والدين = عند العرب موجود في كل حاره

حكام نجد العادلين المسمين = هل الحكم ماهوب ضحك وعياره

البارحة مابين وحدة وثنتين = هواجس تقبل علي بحراره
تحز وسط الجوف حز السكاكين = مابين هداج الضماير وناره
وتطوي ظلام الليل والناس ممسين = وتخيل في المشرق بداية شراره
ترقص على رؤس الشيوخ الشياطين = والرجل يعرف موقفه من قراره
نعمٍ بذكر الطيب سبعه وسبعين = لوكان دحدر فوق ددسن غماره
تكفخ قرانيس الهدد والشياهين = ولا كل قاره من وراه زباره
والصيد كله في حلوق السراحين = والبيت ألأبيض من عناله وزاره
وضيدان لو يملك قصور وملايين = سلطان بشرني وهاك البشاره
نبي نزوره ياصعوط المجانين = لوكان من كفه عماره دماره
يمنن بسطها لضعوف المساكين = يفرح به العاني وضيفه وجاره
والعذر مايقنع وجيه الديايين = يقنب قنيب الذيب ليله نهاره
وحنا بدار مرجحين الموازين = فيها عزيز القوم ماصك داره
تلقى الكرم والطيب والعز والدين = عند العرب موجود في كل حاره
دار الملوك العاكفين المصلين = فيها ضعيف الناس ماراح ثاره
حكام نجد العادلين المسمسن = هل الحكم ماهوب ضحك وعياره
وياالله تعز شعار نخله وسيفين = ديرة هل التوحيد والعلم شاره