مــا زال فــيّ الــجــود والله مـا زال.. راحـوا حـلاحـيـل(ن) و بـاقـي حـلاحــيــل...
الشاعر: عبدالله ابن ربيع ابن مجحود العجمي في الشيخ عبدالمحسن ابن عبدالرحمن الدامر..
راكب اللي لا أشتغل كنه شلال= إلا تطوّح من رفيع التحاويل علامته يا (L) يا قوس يا هلال =تمثال في و جهه من أحلى التماثيل عاده جديد ولا ركب فيه جهّال =كنه هنوف(ن) لبسوها الخلاخيل في شنطته نجر(ن) و محماس و دلال= و دفيتر(ن) مكتوب فيه المراسيل حنا مناديبه و ناصين جمّال= شيخ المواقف لا تنحوا الجماميل حرك لأبو خالد و ملفاه رجّال =اللي محلّه مدهل للرجاجيل نسل الشيوخ معرب الساس و الخال= المشكل سلالة رجال مشاكيل بني لكم في المدح قلعة و تمثال =و نعرض بها عرضة ما هي مواويل بعد المغازي ذكرها يشته البال =هوايل ميراد حرب التهاويل بعد المغازي قالها كل من قال =و أفعالكم صدق ولاهي تهاويل مطلاعكم مرقاب ذربين الأفعال =جدانكم قد مهدوها مداهيل ماكر مشاكيل النشاما بالأطلال =اللي تكلف ظمر الهجن و الخيل محلكم يا شيوخ ملفى و مدهال =و قبالكم يشرح قلوب المقابيل ما زال فيّ الجود والله ما زال= راحوا حلاحيل و باقي حلاحيل قدم لأبو نايف من البن فنجال =و أيظا لأبو خالد نصب الفناجيل اللي تحيي جارها بالتبهلال =و جيرانهم ما تشتكي الظيم و الميل و النعم مكسبهم و رحب و سهال =و ترحيبنا مخلوط بالعود و الهيل يا مرحبا ترحيبة ما لها أمثال =مثل العسل يا صاحبه كثر الكيل اللي جمايلكم من الدق و جلال =و جمال لامن برّكت شالت الشيل أهل النقا و الصدق و زحول و جبال =و أنتوا الدوامر بالكرم نيلكم نيل جنابكم مفروش ملفى و منزال= يا عروة(ن) يقضب بها فاتر الحيل ذرا الضعيف ألا زما دونه الجال= فزعاتهم تزمي كما عايم السيل هنا الرسالة و أنقل النعم مرسال =و الناس تمشي صوبكم بالمراسيل أمداحكم بين العرب بيض و جزال =و هذي ردود أفعالكم و المحاصيل أقولها ما أرسلتها عبر جوال= ألين يفتح دفتري للنقاقيل و أبغى العذر إن كان كرسيها مال= و الهرج واضح ما يبيله تحاليل و صلاة ربي عد ما هل همال =و عد الآذان و عد ما قيل تهليل على الرسول اللي ومر عبده بلال= يذن على المسجد بعد تالي الليل دمتم بود.. |
رد: ابن مجحود فالشيخ عبدالمحسن الدامر و آل الدامر
صح لسانك يا مسعطر ويستاهلون المدح ال دامر وبيض الله وجه ابن مجحود
|
رد: ابن مجحود فالشيخ عبدالمحسن الدامر و آل الدامر
اقتباس:
|
رد: ابن مجحود فالشيخ عبدالمحسن الدامر و آل الدامر
تسلم اخوي وقصيده رائعه..
. . .................. |
رد: ابن مجحود فالشيخ عبدالمحسن الدامر و آل الدامر
اقتباس:
|
رد: ابن مجحود فالشيخ عبدالمحسن الدامر و آل الدامر
صح لسانك يـ مسعطر وصح لسان شاعرها ابن مجحود
ويستاهلون المدح ال دامر وبيض الله وجهك وشكرا لجهدك الطيب ,,, |
رد: ابن مجحود فالشيخ عبدالمحسن الدامر و آل الدامر
اقتباس:
أشكرك يا سعود الخويطري على المرور و يا مرحبا ومسهلا |
رد: ابن مجحود فالشيخ عبدالمحسن الدامر و آل الدامر
والله وسبعين نعم في الدامر وبيض الله وجهك يا مسعطر على النقل وصح لسان ابن مجحود
|
رد: ابن مجحود فالشيخ عبدالمحسن الدامر و آل الدامر
اقتباس:
|
رد: ابن مجحود فالشيخ عبدالمحسن الدامر و آل الدامر
تسلم اخوي وقصيده رائعه
|
الوقت في المنتدى حسب توقيت جرينتش +3 الساعة الآن 01:16 PM . |
مجالس العجمان الرسمي