مجالس العجمان الرسمي

مجالس العجمان الرسمي (http://www.alajman.ws/vb/index.php)
-   مجلس المحــــاورة والألغاز الشعرية (http://www.alajman.ws/vb/forumdisplay.php?f=28)
-   -   (((طاروق جديد بين عبدالله بن شايق و رشيد الزلامي))) (http://www.alajman.ws/vb/showthread.php?t=67571)

علي الحبابي 04-07-2011 11:28 PM

(((طاروق جديد بين عبدالله بن شايق و رشيد الزلامي)))
 
عــبـــدالله بـــــن شـــايـــق=
سلام امن امحلف عند امحلف واثني الترحيـب=تراحيـبٍ نرددهـا باسـم يامـي وقحطانـي
تفضل يالزلامي مرحبابك فـي محـل الطيـب=مع اني عاطفي وليا الشرف لا صرت عرجانـي
رشــــيــــد الــــزلامـــــي=
هلا يامرحبا والك البقا واللي تصيـب اتصيـب=وانا خصمـك وصاحبـك القديـم ولا تعدانـي
دروب القوم واجد وين ودك نتجـه يـا ذيـب=ولا تنسى تـرا فالمنطقـه روقـي وشيبانـي
عــبـــدالله بـــــن شـــايـــق=
بعد شفتك تشيل معاملـه تبغـى لهـا تعقيـب=تباطاني لكن مـن يـوم شفتـك لا تباطانـي
حرام الشعر يتعـذب حـرام الظلـم والتعذيـب=وشرهتهـا عليـك ولا تقـول فـلان وافلانـي
رشــــيــــد الــــزلامـــــي=
اقول الحرص واجب والعرب مايعلمون الغيـب=تمررها علـى واحـد تحولهـا علـى الثانـي
موقيها جبـل مانـي منزلهـا لبطـن شعيـب=ليا دورتني باطـراف ضلـع طويـق تلقانـي
عــبـــدالله بـــــن شـــايـــق=
انا ماني وكيل ادم على العالم خطـا ومصيـب=ابجلس في المدرج واتفرج وامسـك اللسانـي
ابسكت في زمانن اللجلجه والبطش والتخريـب=واببكي ما مضا ذيك الليـال وذيـك الازمانـي
رشــــيــــد الــــزلامـــــي=
تفرج ياولد شايـق ولا فيهـا حـرام وعيـب=هذى صارت على شانك وذي صارت على شاني
اضنك صرت قذافي تعرف اللي بوسط الجيـب=تبـا بكـره تحول لي ليـا خوخـن ورمانـي
عــبـــدالله بـــــن شـــايـــق=
مدام الله عطاني مثلكم مـال وحـلال وصيـب=بصوم وابعتكف حمد وشكر يـوم الله اعطانـي
ولا تفرح ليا تاب الشنب والله عطـاه شنيـب=تراي موصيٍ شايق على العتبـان مـن دانـي
رشــــيــــد الــــزلامـــــي=
مدام انك وصلت المستوى مافيه شيء صعيـب=لكنك لاتسويلـي ملـك فـي ثـوب شيطانـي
مدام ان الولد مثل الابو مافيـه شـك وريـب=عسى ربي يخارج لا يجيلـه غيـره اخوانـي
عــبـــدالله بـــــن شـــايـــق=
صحيح عيال هدبا ماتقلط مـع عيـال هديـب=وانا من فضل ربي ماسمـو بالعجـز جدانـي
بغت منكم تضيع ابل الرفاقة والضنون اتخيـب=لكن الابل وراهـا ضبعت(ن) رقطـه وسودانـي
رشــــيــــد الــــزلامـــــي=
يا قحطان العرب صيرو عرب لا ترجعون عريب=نحول منكم الشرهـه علـى غامـد زهرانـي



هنا المحاوره والمصدر مجله فتل الاكتروتيه


هادي بن فهاد 05-07-2011 03:30 AM

رد: (((طاروق جديد بين عبدالله بن شايق و رشيد الزلامي)))
 
الله الله

لاهنت اخوي علي الحبابي على نقل المحاورة طيبه

اختيار موفق بارك الله فيك

بدر العرجاني 06-07-2011 07:48 AM

رد: (((طاروق جديد بين عبدالله بن شايق و رشيد الزلامي)))
 
لا هنت أخوي علي على النقل الجميل لعمالقة الشعر


الوقت في المنتدى حسب توقيت جرينتش +3 الساعة الآن 03:27 PM .

مجالس العجمان الرسمي