درس في فنون ... الوداع
اهديكم هذه المتواضعه .... من الارشيف واتمنى ان تنال اعجاب القارئ الكريمــ ...
انتهينـا وارفـع لـدرب فرقـانـا شــراع= باتحـمـل غلطـتـي والقنـاعـه مكـسـبـي لو عيوني من سبايـب ظنـا الفرقـى اجيـاع= اجحـدي ياعيوينـي اكبـر دلالات اغضـبـي دامني قـررت والقلـب راضـي(ن) باقتنـاع= مـا تعـودت اتلفـت وانـا مـن صلـب ابـي والرجل لا عاف ماشـاف فـي ماجـاه فـاع =ومن رضى بالهون ماهو بمن صلـب اعربـي لـو تعلـق فـي هـوى مـن يحبـه بالتيـاع= وقـال لعيونـه علـى الخـد هلـي واكتـبـي لازم ايحدد بـدرب الهـوى شبـر(ن) وبـاع= عقبهـا يـلـزم علـيـه ايتـفـادى ويعـبـي فرق بيـن الليـل الادهـم ومطـلاع الشعـاع= وفرق بين الراس بالقوم مـن خطـوى صبـي ولا تحسب اني ما اعرف الشجاع من الرعاع= ومدرك(ن) قدر الاوادم .. واقـرر ويـش ابـي اسبقونـي يـوم قالـوا تـرى الدنيـا متـاع= ومـن تغيـر جـزت منـه وهــذا مذهـبـي الخطاء مـا ارضـاه وقـف وشليـت القنـاع= وبان وجه الزيف ..واشعلـت نـاري باحطبـي يامدرعـم لا تهقـوى تـرى دربـك ضيـاع= راحة البـال الصراحـه وقـل لـي وش تبـي التطـبـع لا بغيـتـه يمـاثـل للـطـبـاع =يحرجـك وينزلـك مـن عـلـوك باهـدبـي وما انكر ان وجهك به الحسن زاد الصاع صاع= والعيـون السـود لا سلهمـت تسبـي سـبـي وفيك وصف الزين راهـي ولا تلقـى نـزاع= وفيـك هيبـه مـن تلفـات عنـقـك ياظـبـي حتى لو هذي اوصوفـك تـرى مـا فيـه داع= عافك الخاطر ولـو جيـت تحبـي لـي حبـي تدري اني كنت مغليـك لاكـن كيـف ضـاع =مـا تجاوبنـي وتــدرك وتفـهـم ياغـبـي الغـلا ماهـو بيشـرى ولا شـي(ن) يـبـاع= الغـلا وهبـه مـن اللـي بعـث فينـا نـبـي والغلا مايحكمه وصـل مـن عقـب انقطـاع= يحكمه قلب(ن) سمـوح(ن) الـى جـاه اعتبـي واثق(ن) منها "وكل امراء(ن) بمـا استطـاع"= لا تـزودهـا كفـايـه وابعطـيـك اطلـبـي ودي ادرسك درس(ن) عـن افنـون الـوداع =وياعسـى الله يخلـف اللـي بذلتـه واتعـبـي ولا تحسب انـي ابـي منـك للامـر انصيـاع= ابغـي اعلـمـك والا انــت لا والله اتهـبـي من يعـز النفـس يرقـى شمـوخ الارتفـاع= ومـن فضـل رب المخاليـق عزيـت اشنبـي وسلامت قلوبكمـ |
رد: درس في فنون ... الوداع
الابداع لا يحده ارشيف .. ..
طالما هو يتجدد ويمتعنا بنبض حروفه .. اخي صالح .. صح الله لسانك ولافض فوك .. * طلب صغير .. قصيده ماخذٍ ثلثيني كتابيه .. لو سمحت :) |
رد: درس في فنون ... الوداع
ارحب يا صالح ال كحله
صح السانك وصحت يمنيك يا السنافي قصيده روعه وكفو عليك وفي انتظار جديدك |
رد: درس في فنون ... الوداع
من يعـز النفـس يرقـى شمـوخ الارتفـاع***ومن فضـل رب المخاليـق عزيـت اشنبـي
الله الله صح لسانك يابو علي على القصيده الجزله وبيض الله وجهك يالقرم ننتظر المزيد من الابداع |
رد: درس في فنون ... الوداع
صح لسانك يا صالح ال كحله
ودوم متميز بشعرك |
رد: درس في فنون ... الوداع
صالح ال كحله صح لسانك تقبل مروري |
رد: درس في فنون ... الوداع
اسبقونـي يـوم قالـوا تـرى الدنيـا مـتـاع---ومـن تغيـر جـزت منـه وهـذا مذهـبـي
مبدع يا صالح.. وابدعت بالقصيده صح لسانك × صح لسانك × صح لسانك .. |
رد: درس في فنون ... الوداع
ابن كحله سجل مروري .. بيض الله وجهك ياطير شلوى وصح لسانك على هذه الرائعه
|
رد: درس في فنون ... الوداع
اسبقونـي يـوم قالـوا تـرى الدنيـا متـاع
*******************************ومـن تغيـر جـزت منـه وهـذا مذهـبـي الخطاء مـا ارضـاه وقـف وشليـت القنـاع ***************************وبان وجه الزيف ..واشعلت نـاري باحطبـي صح لسانك .. كلمات روعه .. وعزوف اروع .. تقبل اعجابي .. |
رد: درس في فنون ... الوداع
الشاعر الرائع : صالح ال كحله
صح اللسانك مليوووووووووووون جزل ولا يجيب الا الجزل شطر واحد يغنى عن ابيات كثيره بالنسبه لى : عافك الخاطر ولو جيـت تحبـي لـي حبـي لا تحرمنا من جديدك القادم تقبل منى خالص التحيه الـــــــــشــــــــيــــــــخه |
الوقت في المنتدى حسب توقيت جرينتش +3 الساعة الآن 05:37 AM . |
مجالس العجمان الرسمي