0015

يا زمان العجايب وش بعد ما ظهر=كل ما قلت هانت جد علم جديد
إن حكينا ندمنا وان سكتنا قهر=بين قلب عطيب وبين راس عنيد
لو تفيد المدامع كان اسيل نهر=كثر التوجد والدمع ما يفيد
اصبر ايام واشهر واتصبر دهر=وان حصل لي مناتي جيت لوني بعيد
ارجي الله وارقب كل طالع شهر=يجلي الهم عني او عسى ما يزيد

0015

وين انت راح العمر وانا آتحرّاك؟؟=صدري تساوت ضحكته واعبراته
حتى التمنّي .! من كثر ما اتمناك=((خلاك في عيني جميـع امنياتـه ))
حسيت من بعدك , وظلمك , وفرقاك=[ اني الوحيد اللي انظلم في حياته ]

0015

دخيلك ياهـوى الغربـي علـى قلبـي تهـب بزيـن = تـراك محمـل(ن) بشيـاء تهـز القلـب وضلوعـه
تـراك محمـل(ن) بشيـاء خفيـه مستحيـل تبيـن = ولايفطـن لهـا كـون الجريـح مـلاوع اللـوعـه !!
عليـك الله وجـاه الله تـلـف يـسـار ولايمـيـن = ولاتحيـي عـروق جـروح مـن عاميـن مقطوعـه
تنحرتـك وانـا اعـرف النتيجـه دمعـه وبيتـيـن = ومجموعـة هواجيـس(ن) تخالـف هـي ومجموعـه
دخيلك ياهوى الغربـي تـرى مانـي مـن الساليـن = ولو بينت لـك ضحكـه تراهـا صـدق مصنوعـه
دخيلـك كـف ولا لـف ولا غيـر هــب بـزيـن = ترى ماهـو يعرفـك كـون انـا ومـلاوع اللوعـه ,,!