اخر محاوره حبيب العازمي ومستور نار وبنزين
حبيب العازمي:
ابن تركي يباله قاف مثل النار والبنزين ـــــــــــــــــــــ حريقه في حريقه والمطافي ماتطفيها على شان العلوم اللي نبى تفسيرها بعدين ـــــــــــــــــــــ يخربها ولد جاره ولا يقدر يسويها مستور العصيمي: ليا شبيتها نرميك فيها ياغراب البين ـــــــــــــــــــــ علاك اتشبها وأنا علي اكفتك فيها والا يالعازمي ماني بزايد فوق دينك دين ـــــــــــــــــــــ أخذ عبر التجارب فاول الدنيا وتاليها حبيب العازمي:- أنا ماني غراب البين أنا خلالً يخل العين ـــــــــــــــــــــ وأنا وشلون احول وسطها وأنت متوقيها ثمان سنين زايدها ثمان سنين كم سنين ـــــــــــــــــــــ نعش الأرنب السوداء وتفتلنا باذانيها مستور العصيمي:- أنا ماني بخابر عازمي واحد طويل ايدين ـــــــــــــــــــــ ليا طالت يدينه ماتعدّا عن مخابيها سوالف ماتخالف ياحبيب بين حين وحين ـــــــــــــــــــــ لكن العازبات اللي يسرحها يضويها حبيب العازمي: لا بالله ربعك أنته كلهم شجعان وأنت دوين ـــــــــــــــــــــ تمد ايداك وحبيب على كيفه يلويها رحانا كل مادارت على حبً يروح طحين ـــــــــــــــــــــ نداويها ونجرحها ونكحلها ونعميها مستور العصيمي: بناناها على طول الليالي مثل صور الصين ـــــــــــــــــــــ تراكم صيدة ً فالوقت نطبخها ونشويها ولا يارعي الحجه نبى برهانها ذالحين ـــــــــــــــــــــ ولا تغدي علينا بين كاتبها وقاريها حبيب العازمي:- حديتونا على علم الردى ياربعنا الغالين ـــــــــــــــــــــ رديه والرديه راجعها في حظ راعيها يموت الحظرمي والحبحبه حمراء على السكين ـــــــــــــــــــــ ولا يقدر يقطــــــــــــعها ولا يقدر يخليها مستور العصيمي:- عسى الله ينصر الأسلام ويقوم عمود الدين ـــــــــــــــــــــ ويكتب لك ثوابك فالصلاه اللي تصليها ابوي امحارب الكفار في غزوة بدر وحنين ـــــــــــــــــــــ وأبوك اللي مغار يسند الديره وينحيها حبيب العازمي:- يقولون الرجال الضعف دائم حيلة المسكين ـــــــــــــــــــــ وحنا أهل المروه والضعافه ماندنـــــيها ابوك الله يغفر له قضاها مع رعاة الضين ـــــــــــــــــــــ ويزعل لو يشوفك فالغنم سارح مفليها مستور العصيمي:- يقولون الرجال العز ضرب السيف ابوحدين ـــــــــــــــــــــ وابا اذكرك في بعض اللحون اللي تغنيها أنا دوبي عرفتك ياحبيب بعد عام الفين ـــــــــــــــــــــ واعاين في وجيه الناس واجرحها واداويها حبيب العازمي:- ترى اللي يدفع الدرمه على وقت الشريف حسين ـــــــــــــــــــــ علاه ملاحظه عند الزكاه اللي يزكيها ليا منا تمادانا ترانا كلنا مخطين ـــــــــــــــــــــ وأنا جيتك مصيبه والمصيبه وين تغديها مستور العصيمي:- أخذها شيخنا يوم العرب بين القساء واللين ـــــــــــــــــــــ تبى تشهد لنا الأيام حاضرها وماضيها |
برمان صح السانك والسان الشعاااااار
تحياتي |
لا هنت يا برمان وصح لسانك على المحاوره الرائعة
|
لاهنت يابرمان وبيض الله وجهك
محراف نااري وملغوم:) |
الاخ حبيب حياك الله واسعدني مرورك
الاخ ابو حمد الشامري حياك اللة واسعدني مرورك الاخ فهاد حياك الله واسعدني مرورك ولاهنت علي المرور |
الوقت في المنتدى حسب توقيت جرينتش +3 الساعة الآن 12:47 PM . |
مجالس العجمان الرسمي