يامشعاب وينك عقب ماطرف الليل = اباخذ علومك ياعريب الجدودي
سمعنا نداك الي يهز الرياجيل = ترانا على ماقيل نحمآ الحدودي

ياهادي نصيتك وانت من نسل حلحيل=وعلومي توردني لزين العدودي
نصينا رجالن تاخذ الحق بالكيل=وراع الرديه حطها في سدودي

سلامي على هادي عدد بارق إمخيل=حزام السعد يوم النطيحه ضهودي
ياهادي ترانا نرقب البرق والسيل=ولا جاتنا دام المواطن يهودي

عليكم سلامي عد صب الفناجيل = ترانا وعدنا وانت تعرف وعودي
على الخير يامشعاب ماهي على ميل= تركد وخلك منتظر لاتزودي

ترى الحيه الرقطا ماتقدر على الفيل=ولا يامن الفيه ليا جت رعودي
صبرنا ونجم الجدي فارق عن اسهيل=ويالله عسى المسلم يبطل جحودي

علامك تراجع يافتى خل بك حيل = تصبر ولا تيئس وخلك صمودي
تراني معك والدرب كله دراكيل= على الهون لاتسري علينا الفهودي

مايغبن الرجال غير المهابيل=الي تحرف قول وتحط زودي
تعبنا نقول الحق ونحط ونشيل=ماتنفت الفهدان لاجت أسودي

انا شاهد انك حابك البن والهيل = ومع الكيف الاشقر مابعدها رقودي
ويازين قولك يوم بدع تماثيل =وجودي عليكم ياعرب ياوجودي

وانا اشهد انك شايل الحمل ياشعيل=وتلعب على المعنا وزين الردودي
وماينكب الشعار غير المحابيل=والقات كيف اهل اليمن والزيودي

ترى الشعر يامشعاب يحتاج تفعيل=وشفنا البشر فيها كثير الحسودي
كتبنا الشعر بقلامنا في كشاكيل =ترى الي يبا العليا رقاها سنودي

العب ياهادي يبيله معاميل=العقل ثم الوزن واللي يجودي
مال الردي مقعاد بين المشاكيل=وماله جدا ياكود صفق الخدودي

المشاركة الأصلية كتبت بواسطة مشاري الشامري (المشاركة 1244440) صح بدنك ياهادي وماعليك زووود والله لايهييينك على الدعوه انا مدري انت ختمتها ولا لا قلت استلم :sorrriso: استلم نفداك وتمس على خييييروالجايات اكثر ان الله احيانا العب ياهادي يبيله معاميل=العقل ثم الوزن واللي يجودي مال الردي مقعاد بين المشاكيل=وماله جدا ياكود صفق الخدودي