حكم...
قصيدة للشاعر / محمد بن خصيوي
يا خو محمد خل عنك التحاسيف = رزق يطوفك لا تحسف الا طاف وبرق مصد عنك لو عقب ريف = لا تستخيله لو بعارينك اضعاف ومن لا يوافق مخلف بالتخاليف = وقمرا قمرها منتحي حد الأكهاف ومن لا كتب لك لو فخاخك مطاريف = ما يقضبنه لو وطاهن بالأخفاف ومالك كتب تلقاه من غير تكليف = يجيك لو دونه ثمانين لقاف دار الوبا لا يدخلك منه تخويف = لا تطري النيره ولا سلم من خاف ما كان كان ويصدفنه صواديف = والمقتدر ما عنه بندر ومجداف واللي يصيبك لو حذف بالتحاذيف = يرمى عليك ورميته تنكس اخلاف اللي يصيبك لو زبنت المكاهيف = لا زم توافق حذفته بين الأكتاف اترك مصاحبة الردي غني وضعيف = لا تلتجي باللاش لو يملك آلاف عليك بالطيب ترى الفعل قد شيف = وعلم الحيا ما يختفي بين الأسلاف وانت اعرف ان المال هذا تواصيف = مايه بحر لا بد فيها تخلاف نوب تطالعها على داحر السيف = ونوب تروح وتنقلع شوف شواف منقووووووول.... |
اللـي يصيبـك لــو زبـنـت المكاهـيـف
لا زم تـوافـق حذفـتـه بـيـن الأكـتـاف لا هنت يا هادي على الإختيار الموفق |
تسلم اخوي هادي على الاختيار الجميل
تحياتي لك |
اقتباس:
ولا أنت، وتسلم على المرور والمشاركة. أخوك / هادي. |
اقتباس:
ومن قال سالم، حياك الله وشاكر لك مرورك الكريم. أخوك / هادي. |
الوقت في المنتدى حسب توقيت جرينتش +3 الساعة الآن 04:46 PM . |
مجالس العجمان الرسمي