تباطاك الحضور وجاء يدوّر لـ / الغياب اسباب ..؟ =وهو لولا حضورك كان ما جاء يسأل عن غيابك ..!
على وجه الدروب يسوق رجله ، والهموم ركاب = يبي سكّة لقاك اللي توقف به على بابك ..
عن الغيّاب يسأل كل من واجه من الغيّاب ..! = وما بين الرجاء والياس والشوق ، ايتلوى بك ..!
غريب بلا وطن لان القلوب تعيش فينا اغراب ! = وهو وينه ووينك لعنبو حيّك ومن جابك ..؟!
وانا صرت الحضور اللي رحل لك خايفٍ مرتاب = يبيك ، ولا يبيك الا تبيه وتقطع اسرابك ..
حلفت ان المدى ماهو بلاصادق ، ولا كذاب .. = اشوفك ، ما وصلتك ! وان وصلتك ؟ دكّت اركابك !
امانه لا تعلقني على متن الامل / جلباب ..! = ابيك تعيش دوري لين تشقى كثر ما اشقا بك
كتبتك ، ما قريتك وانت تقرى والصدور كتاب = متى اقرى ما كتبته ، لين اقلب فهرس كتابك ..؟!
وفتحت من الخيال الخصب لـ / ابواب الخيال ابواب = ورسمتك في عيوني لين شفت الدمع بـ / اهدابك !
وسريتك بدر ليل ، وحاجبين ، وسلهمه ، واهداب = ومن تينك ، لـ / تفاحك ، لرمانك ، لعنابك ..
وثملت ولاثملت الا على جمله [ بدون اعراب ] = وشعورٍ كثر ما ينتابني ما اظن ينتابك ..!
حرام اني قريص الداب لو ماني قريص الداب ! = وعسى الله ما يجازيك بـ / خطاك ، ويقسي ترابك