( سقا دار يام ٍ )
سقا دار يام ٍ عاشقين المجد والنالات = سقاها من صلا نجران لنجران لجوده سحاب ماه رحمه والبرد ياتي على زخات = تفز القاع شوق ٍ للمطر وهيام للعوده هلا يامرحبا جانا الحيا والقلب به لهفات = بشوف القاع خضراء والنفل ريحه خلط نوده هلا يامرحبا غنى الولع طرب ٍ وبي طربات = ونفس عقب حزن ٍ طال فرحانه ومسعوده وشوف الشعب سايل ريح قاعه للمريض اشفات = خلط ريحه شذا ريح النفل مع عاطر وروده يبشر به حلال ٍ وسط شبكه يالله الفزعات = وتبشر به طعوس ٍ للحيا شفقه ومشدوده ويبشر به بدو في حل وسمي المطر بالذات = ويبشر به شجر قد له زمان ٍ يابس ٍ عوده وتبشر عدودٍ نبعها قدله زمان ٍ مات = وعادت حياته ساعة اوحا دنت رعوده وتبشر به مسيله شرب ماها يبري العلات= وتبشر به بيوت ٍ فوق راس الرجم وحيوده وتبشر به طيور ٍ قد لها وقت ٍ من الهدات = وناسه قدلها من خاطر المشتاق مفقوده عطايا من اله ٍ جل جلاله من الايات = عطايا ربنا الوهاب من فضله ومن جوده ركعنا له سجدنا له خشوع ٍ نرجي المدات = واجابلنا ونحمد فزعه الوهاب والمدوده فلا يالله يا فرد ٍ صمد فرج لنا الضيقات = دعيتك دعوة اللي خاشع ٍ يرجوك في سجوده وتوفقنا لمرضاتك وهذي غاية الرغبات = وتحشرنا مع طه النبي والال وجنوده دعيتك في سر وعلن تغفر لنا الزلات = وترحمنا لحيث النفس للاثام مقيوده وتكفينا بقدرتك العظيمة هرجت الشمات = ومن ذنوب ٍ عظيمه يااله العرش مرصوده فلا يالاش يوم انك غارق ٍ في غبت الفسلات = الا منت برفيقي وانا راعيش ياشوده انا راس على كوكب عطارد يوم قلبك مات = الا وين الحريزي من قطن وخجيمه وجوده سقا دار يام عاشقين المجد والنالات = ودار امة محمد عمها بالغيث ورعوده وصلاة الله على طه النبي في تالي الابيات = الا ياما حلى جانا الحيا والنفس مسعوده |
صـــــــح لسانــــك اخووي محمـــد ولاهنت
اخوووك ابونايف الوعيلي سقـا دار يـام ٍ عاشقيـن المجـد والنـالات سقاها مـن صـلا نجـران لنجـران لجـوده |
هلا يامرحبا جانا الحيـا والقلـب بـه لهفـات = بشوف القاع خضراء والنفل ريحه خلـط نـوده هلا يامرحبا غنى الولع طرب ٍ وبـي طربـات = ونفس عقب حزن ٍ طـال فرحانـه ومسعـوده وشوف الشعب سايل ريح قاعه للمريض اشفات = خلط ريحه شذا ريح النفل مـع عاطـر وروده صح لسانك واعتلا شانك يابن الضريرة....... جزلة من راس جزل تقبل احترامي؛؛؛؛؛؛؛؛؛؛؛؛؛ |
ابو نايف الوعيلي
صح بدنك سقا دار يام ٍ عاشقين المجد والنالات سقاها من صلا نجران( ليبرين )لجوده تصحيح البيت |
عبدالله ال عامر
صح بدنك وماعليك زود يايامي وجعل قصير الشبر يفداك انا راسي على كوكب عطارد يوم قلبك مات الا وين الحريزي من قطن وخجيمه وجوده تصحيح البيت خالص تقديري |
صح لسانك اخي العزيز محمد ال الضريره قصيدة رائعة ومعبرة في انتظار جديدك يا السنافي
|
صح لسانك يا محمد ال الضريره القصيده جزله
|
الرائع ابوحمد الشامري
صح بدنك وفالك طيب خالص تقديري |
اليامي الوافي
صح بدنك ياطويل العمر شرفني مرورك خالص تقديري |
سقـا دار يـام ٍ عاشقيـن المجـد والنـالات
سقاها مـن صـلا نجـران لنجـران لجـوده صح لسانك ولاهنت على ذا القصيده وبيض الله وجهك |
الوقت في المنتدى حسب توقيت جرينتش +3 الساعة الآن 09:28 AM . |
مجالس العجمان الرسمي