مجالس العجمان الرسمي - ياقطعش دنيا التفرق وتحريف الكلام

بسم الله الرحمن الرحيم

واهني اللي عـــــــيونه إلا جاها المنام*** غمضت يــــابــــو محمد وجاها نومها

كبدي اللي لاعها الحزن وسنين الغرام*** وعيني اللي ذا السنة ضامها مقسومها

وحالي اللي سله البعد لين أصبح حطام*** حطمته اســـــلوم قــــومٍ تحد اسلومها

ياقطعش دنيا التفرق وتحريف الكــلام*** وكـــل نــفسٍ ما تبرق بــرد علــومها

الفراق اكبر مصــيبه وعاقبته حـــرام*** ذي عـــراقيه بكـــبدي وذي اوسـومها

كيف يدله مولع القلب من راع اللــثام*** وذي مبانــــيه بقلــــبي وذي ارسومها

ماهقيت إن الليالي ولحظات الوئــــام*** تغـــدر النفس الحزينه برد اســـهومها

حي لذات المواجه ولحــــظة لنسجام*** حــــيه يـــابــــو محـــمد وحي همومها

والله إن قدلي وعيني مثل وبل الغمام***ون عيـــــني ذا اللــيالي جـــفاها نومها

ا
للشاعر
حمدالعبيد المري