ياهتلرت قلبي الله يرحم ألمانش= الكبر لله باحاكيش حاكيني
وانا مبركن اركابي عند بيبانش= والتاجر ايصر والرزاق يعطيني
مثل ماطهرتي التربه بكرعانش= خلي غرامش يطهر مابقى فيني
فديت كبدش فديتش بدت اخوانش= واذا لقيتش وانا طفشان خليني
خليني اجر صوتي واقعد اوزانش= يمكن اوزانش من الضيقه يسليني
وان طحت مثل الجمل من جور هجرانش= ما عاد تنفع كثيرات السكاكيني
واحيان تقارب من احياني احيانش =واشاركش في كثيرات المضاميني
حتى اني اصيح يابن الذيب بلسانش= واقول لبيش من بيني ومن بيني
محبوبتي لا انتثر دمعي على شانش= وش له تقولين وش اللي مبكيني
حنا اتفقنا انا مندوب لحزانش =خلي الحزن والدموع تهلها عيني
واذا حظنتش هزيلي اردانش =ماغير ظانن وقرطوعه يكفيني