مجالس العجمان الرسمي

مجالس العجمان الرسمي (http://www.alajman.ws/vb/index.php)
-   مجلس عيون الشعر النبطي (http://www.alajman.ws/vb/forumdisplay.php?f=29)
-   -   قصيده لرمز الشعر لأستاذ الشعر لسلطان الشعر0000 (http://www.alajman.ws/vb/showthread.php?t=17155)

@زايد بن ألغز@ 18-01-2007 01:41 AM

قصيده لرمز الشعر لأستاذ الشعر لسلطان الشعر0000
 
أنقل لكم هذه القصيده للشاعر الكبير مهذل بن مهدي بن ظافر آل مهذل الصقوراليامي من سجنه في تبوك




سقى الله عهدكم ياهل الحزم ياهلي
وعل السحاب اعظامكم لين تروابه
يامل عينٍ بازرق الدمع تمتلي
وياهب جوفٍ فيه الانواد هبابه
يذكرني سهيل اليماني بمدهلي
جنوب الجزيره مدهلٍ مالي إلابه
ندي مكسر الفيه اقصير رشا الدلي
ولا ذكر ماه تحنب عروق زعابه
خدين القمر والشمس ومحمد وعلي
ومرب العشاير والجوازي اتلوابه
عسى بارقٍ ويلوح ياعين خيلي
اخبر الغريب تحن للبارق اركابه
متى علمنا بالسيل والعثعث الخلي
وممسى بطاحينٍ قديمٍ عهدنا به
ألا ياسحابه باعذب القطر هملي
وجودي على وادٍ كحل عيني ترابه
تمثنيه أعصير واحدري فيه واقبلي
واملي هجاله ودرجي سيل محنابه
توطي قدر ماتستطيعين وأنزلي
تسوقش هبوب غويج وتردش اهضابه
هو السيف بالياقوت والفضه امحلي
وهو الرمح كم بندر ملوكٍ شظى بابه
ودنياي وآخرتي وحصني ومعقلي
وأبي اللي لما اني ضقت صوت له يابه
احبه اعداد انفاسي اللي تعد لي
من العمر لحظاته وتستوفي احسابه



مــــهـــــــــذل الصقور سجن تبوك
15/12/1426هـ
ونرجوا من الله تعالى أن يعجل بالأفراج من أسره هو ومن معه جميعا 000قولوا ياالله00000000

@زايد الغزي@

عبدالله بن قنيفذ 18-01-2007 05:13 PM

صح لسان إبن مهذل والله يفرج عنه

لاهنت يابن الغز على هذا النقل الرائع

تحياتي لك وسلامي,,,

عايض ال مطلق 19-01-2007 01:01 AM


زايد ابن الغز

لاهنت على النقل

وصح لسان ابن مهذل

والله يفك اسره هو ومن معه والله يخارجهم ويردهم لبلاادهم سالمين وغانمين...

تحياتي

@زايد بن ألغز@ 25-01-2007 11:28 PM

الاخ العزيز
بن قنيفذ أشكرك على ردك الرائع

@ الغزي@

@زايد بن ألغز@ 25-01-2007 11:33 PM

عايض ال مطلق

شكرا لك على ردك لموضيعي000عايض هل أنت ؟ المدرس عايض000
كلية المعلمين؟00000مرادي أني أعرفك!

@أخوك @زايد بن ألغز@

سعود الخويطري 07-02-2007 05:24 AM

صح الله لسان مهذل الصقور


والله يفرج كربته وكل كرب المسلمين



وزايد بن الغزا لاتبخل علينا بقصائد المبدع الحقيقي



وياليت تجمع لنا اكبر كم من ابداعاته


وتقبل سلامي واشواقي


الوقت في المنتدى حسب توقيت جرينتش +3 الساعة الآن 07:55 PM .

مجالس العجمان الرسمي