بدعت القصيد اللي معانيه جات جزال = تنقيت قولي واطيب الهرج جيتك به
علي شان تاتي في ضميرك لها منزال=ونا اخترتها فاللي ربوعه تفاخر به
أحيي رفيق ٍ بعد شوفه يزين الحال = هلا مرحبا بك يارفيق ٍ نرحب به
عداد المطر لاهل والسيل لامن سال=وعداد الشعوف وذاري النود تلعبه
رفيق الوفاء والطيب والعز ذرب افعال=ولاهو يجيك الا بعلم ٍ يجمل به
تفك السجين اللي يفكر وضايق بال=وترفع حجاجه بعد هم ٍ تمكن به
تمنع قصيرك ماتسمعت للعذال = فعلت الجميل اللي تنومس علي كسبه
ومن ضاقت به الدنيا جعل مجلسك مدهال = يواجه كريم يكرمه مايقصربه
يوم ٍ ان الردي للوافيه عاجز ٍ محتال = يداري علي عمره وراعي الوفاء سبه
ياجعل الردي يفدا هل الطيب يارجال = ضعيف الروابع مرقب العز ماذبه
محبة بني عمي لها فالحشا مدخال = لما شفت ابن عمي تنومست وفرح به
أنا ونت في طحفل وذا الحال من ذا الحال=فعولك تنومسني وفعلي تنومس به
رجال ٍ تعز الضيف وتونع العيال = ولهم في قديم الوقت علم ٍ يسولف به
عسى الله يبعثنا على الدين وطيب فال = ويعصم لساني وتخير له الذربه