الفارس الشاعر ابن شارده خير شاهد على التاريخ
بسم الله الرحمن الرحيم
اخواني الله يمسيكم بالخير وعندي عدة قصايد من ارشيف الفارس الشاعر عبد الله بن شارده رحمه الله حيث عاصر بعض اهم احداث القبيله ودونها بالشعر رحمه الله مثل يوم العيينه ويوم الرياحيه وذبحة ضيدان بن حثلين الله يرحمه فوصف استبسال بني عمه وذكر شرح وافي لتلك المواقع لا اريد ان اطيل عليكم فهذه قصيده قالها على وزن قصيدة راكان بن حثلين رحمه الله اللي يقول فيها : يامل عين لااقبل الليل كنها رمدا وذارفها تعدا خدودها فيقول ابن شارده : قلت على لحنا ابي اربني اقرب حوله :::: لا قلت عيني تصمد الدمع اهملت 0000000 كثر التوهج والعباير يزودها على بني عم ٍ بعيدٍ منهـــــــــــــم0000000 ياميةٍ تروي مقاديم عودهــــــا من دونهم تسعين ليل ومثلهــا000000 00 للجيش اللي ما تبرد لهودها قالت نعم ٍ حصلوها ربعـــــــــــي 0000000 غصبٍ على اللي سارقٍ بعهودها ربعي تعز الجار وتكرم ضيفـها0000000 وتفك من كل القبايل حــــــــدودهـا لا زارهم منهو يدور ضدهـــــم 0000000 طفيت عينه مانوى انه يعــــــودها عادتنا نجعل عليهم هزيعـــــــه 0000000 مثل المزون اللي تزلزل رعــــــودها تجمعوا سبع القبايل علينــــــا 0000000 وحنا نقعدها ولطــــــــم خدودهــــــا لول منهــــم يتبعـــــه التالـــي 0000000 واللي بعيد والقــــــريب شهـــــــودها لعيون شقحاً يوم سرنا فرعت0000000 مثل القراطيس الجداد خدودهــــــــــا لا شفت ربعي في الوصايف كنهم 00000 اجوال تركٍ والظبيــــــط يذودهـــــــا وكل ديرةٍ فيها رجــــالٍ مشكله0000000 وربعي لشفت القبايل ايسودهــــا ما طيب ربعي ما خذينه بديعه 000000 مورث جدودٍ مرثتها جدودهـــــــــــــــا وجدي عليهم وجد من له سابق 00000 خذت رسنها عقب ماهو يقودهــــــا خذتني النيات منهم وانسحت 000000 ورجلي شراف الطويل يكـــــودهـــا شفي مع ربعي الى لاح بارق000000 مسندٍ آ حادرٍ من نفودهـــــــــــــا ومن بذته دنياه مثلي يصطفق 000000في ديرةٍ مالي بشوف حيودها ومن عقب ذا يا راكبٍ فوق حره 00000 شقرا سنامها حاشيٍ بدودها كنك تهاداها طويله غارب 0000000 ما اللي بعيد من الديار يكودها يالله ان تقربني قرايا لا بتي 00000 من اقبل اجعل في مطامن لحودها وانا اذكر الله والصلاة على النبي000000 اعداد ما تخضر ويا بس عودها اللهم صل وسلم عليه وانتظروا المزيد من قصيد ابن شارده رحمه الله وارجو السموحه والتصويب للخطأ وشكرررررا |
لاهنت يابن عمي على الموضوع وسبعة انعام في ابن شارده
|
لاهنت لاهنت ياطليقاان وصح لسان ابن شارده ونعم بعيال عمنا ويستاهلون العليا
|
الاخ هاب الريح
الله يحييك واسمح لي على تثبت القصيده والشاعر المعرووف ابن شاره مثل ماذكرت من الشعراء اللي عاصروو بعض المعارك وشاركوا فيهاا وكلناا نحرص على قصيد بن شاارده الله لايهينك على نقلك لهذه القصيده وننتظرر ماتبقى لديك من قصائد ابن شاره تحياتي |
لا هنت يا هب الريح صح لسانك ولسان ابن شارده الله يرحمه
|
لاهنت لاهنت طال عمرك وبارك الله فيك والله يرحم أبن شارده قول وفعل
ونعم بيام كافه |
الاخ الفاضل ابن بحيح
اشكر لك مرورك الكريم والله لا يهينك على اليامي / وانت الله لايهينك وصح بدنك وكل الشكر على مرورك الجميل |
الا خ الفاضل / حبيب
الله لا يهينك على مرورك العطر وانت مسموح في اللي تبي ولو اني مافهمت وش المقصود بالتثبت لكن تمون يا ابن العم وشاكر لك على تعقيبك الطيب وان شا لله تشوف المزيد من شعر هذا الفارس ،،، ومع خالص تحياااتي |
الاخ مديرنا العزيز ابو حمد /
مرورك بحد ذاته شهاده نعتز فيها وشاكر يالسنافي والله لا يهينك ،، ولك خالص الشكررررررررر |
الاخ الهنلاني
الله لايهينك يالسنافي على المرور ويبيض وجهك وانت ماعليك زود والله يرحم ابن شارده ويجعل عظامه في الجنه |
الوقت في المنتدى حسب توقيت جرينتش +3 الساعة الآن 01:27 AM . |
مجالس العجمان الرسمي