فـــــهـــــد المساعد
اسمحولي انقل لكم احدى روائع المبدع (فـــهــد المـــساعد)
من عز نومي صحيت وشفت فـي عينـي=دمع تهـادى علـى جفنـي وأنـا غافـي ستـرت دمعـي بكمـي قبـل يغريـنـي=وأخذت هذا الجسـد مـن باقـي لحافـي وسريـت تايـه ورا خطـوات رجلينـي=لا الوجه وجهي ولا أوصافي هي أوصافي أمشـي وأقـول لطريـقـي لا توديـنـي=لعيون نـاس تبـي تـدري عـن الخافـي أمانتـك.. خلهـا مـا بيـنـك وبيـنـي=خابرك يالـدرب خـوة عمـر وسنافـي مـا ودي النـاس تـدري وش يبكيـنـي=كرامـة النفـس ورث أبـوي وأسلافـي أمشي وأحـس الخناجـر فـي شرايينـي=والبرد يمشـي وراي وينهـش اطرافـي وحـيـد واللـيـل بـردونـه يغطيـنـي=تقـول كـن البلـد روح بهـا السـافـي إلين مـا أوحيـت لـي صـوت ينادينـي=صوت أعرفه مثل ما أجهل وش خلافـي ولمحت زوله من أقصى الـدرب لافينـي=مدري وش اقول لكن حـي هـا اللافـي تعال.. شف غيبتـك كيـف أثـرت فينـي=تعال شفني وأنا أغـرق عقـب مجدافـي تعال.. خذنـي ورحبـي مـن عناوينـي=تعبت أعدي علـى جمـرك وأنـا حافـي تعال واقطـف بصوتـك زهـرة سنينـي=كـل المواعيـد عقبـك شمعهـا طـافـي تعـال وازرع خصـل شعـرك بكفينـي=بضمهـا ليـن أحـس بليلـك الظـافـي تعـال وشفيـك خايـف؟ أنـت ناسينـي=قطعت صوتـي عليـك وطـال ميقافـي حتى بديـت أشعـر أن الحـب معمينـي=وان أنت حلم عثـى فينـي وأنـا غافـي بصـدق الحلـم وأحـذر لا تصحيـنـي=فـي خاطـري كلمتيـن إن قلتهـا كافـي أمانـة الله عليـك إن غبـت عـن عينـي=لا يكون قلبك مثل قلـب الزمـن جافـي مـع كـل دمعـة تذكـر رعشـة يدينـي=ومع كل ضحكـة تذكـر قلبـي الوافـي |
رد: فـــــهـــــد المساعد
اخ / الاب الروحي
ابدعت الآختيار ... وصح لسان شاعرها |
رد: فـــــهـــــد المساعد
لولين
اتمنى ان نصل الى رقي ذااائقتك مرورك عطر الصفحه اشكرش ودعتش الله |
الوقت في المنتدى حسب توقيت جرينتش +3 الساعة الآن 12:25 PM . |
مجالس العجمان الرسمي