يهل دمعي تالي الليل هتان = يسقي منابت عارضي والشوارب
ارجو عفو ربي وهو عالي الشان = واصبر مثل باس الشجاع المحارب
اعيش وجدي بين صبر ٍ وكتمان = فيها ارتياح ٍ لي وفيها مآرب
ماعيد بالماضي وماكان قد كان = ادرس خطا غيري واعيش التجارب
ارخي لجام الحلم ويّا التذهان = وادرى من سهوم الغدر والعقارب
انصى عدوي لا تشمّخ وثم بان = واظفر الى شفته مقفّي وهارب
اعيش فرقا ربوع واهل ٍ وخلان = واعيش فرقا الدار ويّا المضارب
واصبحت انا في ديرة ٍ غير الاوطان = ربعي شروق ٍ ولا انا بالمغارب
واعيش وقت ٍ كل مازاد نقصان = كل ٍ لكاس الموت ذايق وشارب
من حن نفسه عاش ميت وخسران = يموت به ذكره وهو حي خارب
ويعيش منهو بالشديدات سلطان = وبـكل درب ٍ للنواميس ضارب
ذِكره يزخرف بالنعم طول الازمان = بينه وبين العز ود وتقارب
عمر الاصايل ماطربت دون فرسان = حمل البعير يشّد من فوق غارب
والريح يتحمل سحاب ٍ وكثبان = والموج مايتعب يشيل القوارب

صح الله لسانك ياخوي عبدالله على القصيدة المميزه

تقبل مروري

المشاركة الأصلية كتبت بواسطة king الوادي king (المشاركة 1130611) الله الله صح لسانك طال عمرك جزله من رجل جزل وننتظر الجديد

المشاركة الأصلية كتبت بواسطة الغروب (المشاركة 1130677) الشاعر عبد الله ال مجحود قصيدة مميزة صح لسانك وننتظر عطاءات قادمة .

المشاركة الأصلية كتبت بواسطة أبو سلطان (المشاركة 1130776) صح الله لسانك ياخوي عبدالله على القصيدة المميزه تقبل مروري

المشاركة الأصلية كتبت بواسطة بندر العجمي (المشاركة 1131869) الله الله صح الله لسانك ياعبدالله والله لايشينك وااااااااااااااااااااااابدعت