مجالس العجمان الرسمي - علي ياخوك قلبي زادت همومه

علي ياخوك قلبي زادت همومه ..
مارتاح بالي سارح الفكر حيران
اسج يمه وأنشد الخلق بـ علومه ..
ومن عقب شوفه يجي فالضغط نقصان
ترقبه عيني من بعيدٍ ملزومه ..
وليا قفى هلت على الخد غدران
وخطاه اسابقها تحرى قدومه ..
كني لقيته صدفه ماني بـ عمدان
وليا هرج يطربك بـ صوته نعومه ..
صوتٍ يخلي صاحي العقل سكران
ودي اكون اقرب عليه من هدومه ..
واضم صدره واخذه بين الاحضان
طيفه يصبحني على كل قومه ..
وطيفي يمر الوقت طاريه ماحان
وحروف اسمه بـ الحشاء إمختومه ..
وحروفي عنده مالها موقعٍ زان
هو القمر واللي بجنبه نجومه ..
واليا غاب القمر ما نحتاج دبران
مير البلاء بـ قلوب ماهي رحومه ..
يسعون فـ قطع الوصل بين خلان
عواذلٍ لو هم ليا حد تنومه ..
تاصل سهايمهم ليا شام لبنان
عيا الزمن يجمعنا هذي قسومه ..
كم فرق الزمن قرايب مع إخوان
انشهد ان راع الهوى ما ألومه ..
من عقب فارقته وانا حيل زهقان
شكواي للخالق ومجري غيومه ..
الواحد العارف خفيات الازمان