يا سلامي وكل(ن)فيه خيره وشرّه=يا بدر ليت مثلك كل ليله يشافي
أدري أن المهبّل ما وراهم مسرّه=غير مال الجميل ألا العديم السنافي

شاقنى صاحب الطاروق لله دره=ياهلا مرحبا ترحيب كافى و وافى
صاحب العرف يارجال ماشن يغره=والعوارف عوارف ماعليها خلافى

أنت طيّب مع الطيّب تقوم وتشرّه=مثل وبل المزون ومثل حد الرهافي
وأنت أخذت الشهاده من نجوم المجرّه=ترجم التركماني من حروف القوافي

مانقص من حلالى وزن مثقال ذره=اشترى طيبه وبيع والبشت ظافى
انت لو فالجبل قافيك قصاص جره=يوم شربكتها وظهرت ماكان خافى

فيك خير ومسرّه فيك شر ومضرّه=لو قلبك من الخفرات ماهوب صافي
أنت تقنب وغيرك ذيب صوته يجرّه=من بغي العافيه يتبع طريق العوافي

واحدن من بنى مره حرب قوم مره=كيف هذا وهذا كيف والله يكافى
فالديار البعيده شفت عفشه يصره=من يشيل الثقال ومن يشيل الخفافى

ما نبي منّك غير الأولّه والمبرّه=وبن شايق علومه كلّها للعيافي
كان شفته هجوسه كل ليله تفرّه=جعل رجله لروس الشوك لا صار حافي

انت جمرك علينا كل ليله تكره=يارعى اللحيه البيضا تجيك المطافى
المحارب محصن كل بحره وبره=ياليوحان جنب عن طريق النصافى