الشوق له في محجر العين قصه = يروي تفاصيل الجفا والتفاريق
والقلب ينصت والمواجع ترصه = كنه يجاوب نايحات العرانيق
أبد فمشواري وأرجع بنصه = أن الحنايا كلها له مشافيق
ياقلب لك بهموم الاوقات حصه = أخذت من حزنه صكوك وتواثيق
أبطيت تمشي والأثر له تقصه = والأرض عاصفها هبوب(ن) مافيق
ضيعتي وضيعت درب المنصه = من عقب ماكنا بعال الشواهيق
ماقلت لك يامن خفوقي يخصه = بالحب والتقدير وكل التشاويق
يابو ثمان(ن) صف لولو وفصه = ياعودموز(ن) مذهل(ن) التواطيق
يامن بذكره لاعتب القلب غصه = ثم طاح في كفي وخلا المعاليق
مسروق قلبي وحالف أنت لصه = مدام ضلعه فز فزت مسابيق
أسمع ندايه والخبر أستقصه = مالي أنا بمجاملات الخاليق
مدام حبل الوصل بيدك تقصه = وتغيب وتجيبك علي الطواريق
وصيتقلب وأنت خافقك وصه = لاجيت في باله ! دعا بالتوافيق

صح لسان الشاعر مشاري البرازي و صح لسانش

و صح ذوقش الراقي أختي صدى الأهات.

إختيار موفق.

تحياتي.