على وضح النّقا جيتك تلملمني = بقايا من بشر في أمركم شوره
شرحت لك بعض وضعي وتفهمني = وقلتي يمكنه طبّي ودكتوره
وشفت الغدر منّك لي بيصدمني = يزهّب حدّ سيفه ثمّ ساطوره
يقصّ العظم منّي ثمّ شتّتني = شظايا من مشاعر لك ومأسوره
وعينك بالجفا لو ما تكلّمني =شهد قلبك بما يخفيه أشعوره
نويت الغدر لي أنتا وعلّمني = عسى منّي وتوضح لي بعض صوره
حبيب القلب هجرك لي يعذّبني = مزع قلبي وفكرى هو طلع طوره
ضرب خمسٍ وعشرٍ هو يكسّرني = تحطّم له بواقي وجدنا جوره
نسى أنّه بحرفن هو يفرّحني = بحكيه تشرق الصّفحات مسروره
بها تومض غلا له هي وتكتبني = بداية في لقى أشواق مبهوره
عسى ما شرّ يومك لي تنكّرني = من المخطي ومنهو تسمعي شوره
ترى منهو عذل لك هو يصوّرني = وحش كاسر طغى لك كذب أشروره
حقيقه لا ولا تسمعْ يعذربني = شياطين البشر هي حسدِ ماموره
يثور الفكر شامخْ لك ويحزنّي = بنوفه لا صدق منتي بمعذوره
ونوف الحلم هو لك ما يأرّقني = بقولك حلم ليلك هو سبب ثوره

المشاركة الأصلية كتبت بواسطة فالك طيب (المشاركة 1254443) خالد بن جفـــن صح لسانك قصيده مميزه وجزله ودائما تمتعنا في قصائدك ونتشرف في تواجدك وفالك طيب

المشاركة الأصلية كتبت بواسطة نوارة (المشاركة 1254548) صح الله لسانك ماشاء الله لاتحرمنا من ابداعاتك

المشاركة الأصلية كتبت بواسطة فلاح الشدقاء (المشاركة 1254863) الشاعر / خالد بن جفن صح لسانك واعتلاء شانك قصيده وافيه وجزله كصاحبها بيض الله وجهك على هذه الشامخه دمت بكل خير اخوك / فلاح الشدقاء الوعيلي