دمعي ليا شفته نزل ماهو بما=الدمع خلطه ودوك المقادير
الحزن ويا الشوق ويا الهياما=والضحك ويا الحب ومجامل الغير
ياما على شانك وياما وياما=هلت دموع العين مثل التباشير
ياصاحبي طالت ليالي الخصاما=والقلب مايقوا نزيد المعاذير
ثلين عمري راح كله ملاما=يالله عساك تعوض العمر بالخير
تقضي سنين العمر كله علاما=فرحة زماني كله مطالع الغير
لا واحسايف يارفيق النداما=الي بقربك خير ومفارقك خير
يالي بقربك انشغل بالخصاما=وليا تخاصمنا ادور معاذير
ثم اتغزل فيك باحلى الكلاما=كله على شانك ياسيد الغنادير
ياصاحبي عجل علي بالسلاما=عجل قبل لانارد اليم والبير
هذا وانا نسل الرجال الكراما=وانته عليك الله مافيك تقصير
لا مني اودعت الحياة بسلاما=بترك مع جرحي وصيه وتحذير
روح على قبري وشل العظاما=ثم شبها وادفا على جالها عصير