مجالس العجمان الرسمي

مجالس العجمان الرسمي (http://www.alajman.ws/vb/index.php)
-   " غَـــــيــــــــوم مــــاطِــــــــرة " (http://www.alajman.ws/vb/forumdisplay.php?f=71)
-   -   يادار وين اللي قصورك بنوها (http://www.alajman.ws/vb/showthread.php?t=73611)

خليف الوهيداني 25-11-2012 07:27 PM

يادار وين اللي قصورك بنوها
 
يادار وين اللي قصورك بنوها=اهل القصور اللي بنوها من الطين
واللي عدودك بالشجاعه حموها=رجال(ن )بقول وفعل يادار وافين
واللي علوم المهزله ماقبلوها=اهل الكرم والطيب والعز والدين
واللي بيوتك بالكرم عمروها=وتجمعوا فيها على العز والزين
وابوابها يادار ماسكروها=ومظيف لقرابك وناس(ن)بعيدين
والنار للبن الثمين اشعموها=ومامر يومن ماهو فيها متقهوين
وجموعهم بالحقد مافرقوها=متكاتفين الكف بالزين والشين
ولياحصلت مشاكل(ن)صلحوها=واهل الخلاف امسوا من الصلح راضين
وحياتهم في التعاون مضوها=ما يشتكي مديونهم طالب الدين
ومقلهم حاجات نفسه قضوها=من قبل لايشكي تجيه المعاوين
وديارهم وبيوتهم ماهجروها=فيها جلسوا بالعسر واليسر والين
اقفوا ولاتقل البيوت اسكنوها=متهدمه تبكي على شوفها العين
وابيوتهم اسلافهم سيبوها=ولاحفظوها تراث لا ناس غالين
شيباننا اللي دارنا زينوها=ياليتهم بقوا على طول حيين
وليت المنايا ماصدفتهم وجوها=ولاماتوا وماتت ديار وبساتين
وعزي لرجل(ن)ديرته غادروها=ربعه وشالوا عن دياره مقفين
ولاصار مافيها المعزه لقوها=وامسوا بها من المشاكل سليمين
لو هي اديار اجدادهم مابغوها=وعنها قضوا كل الحياه متنحين
ناس(ن)شتات اربوعهم جمعوها=وناس(ن)على فرقا الربوع امتهنين
ويالعين هلي دمعتك كلبوها=وابكي على ماضي ديارك وذلحين
لو حال دارك غيرنا مابكوها=حنا على ماحل فيها حزينين

سمو الرووح 26-11-2012 03:21 PM

رد: يادار وين اللي قصورك بنوها
 
يا سلام على القصيد الجزل تسلم يمناك ولاهنت خلف الوهيداني

كل الشكر والتقدير والاحترام لشخصك الكريم ولاهنت بيض الله وجهك.

خليف الوهيداني 19-03-2014 08:53 AM

رد: يادار وين اللي قصورك بنوها
 
سمو الروح

صح بدنك

وشكر لمرورك

تحياتي


الوقت في المنتدى حسب توقيت جرينتش +3 الساعة الآن 09:01 PM .

مجالس العجمان الرسمي