|
قــــــصيـــدة ليامي محكوم بالاعدام وجها لشيوخ شــــمــر
في الحقيقة آني سمعت هذه القصيدة وهي تدور حول رجل من قبيلة يام (صلب جدي) محكوم عليه بالإعدام ونقل من سجون منطقة نجران إلى سجون حائل لتنفيذ حكم القصاص به واستنجد بمشايخ شمر بهذه القصيدة وكان ذلك قبل نحو ما يزيد عن عشرين عاماً وهو الشاعر السجين سابقا محمد جهير ال فطيح الوعيلي اليامي ( وانا اقول اسين يابن جهير )وبعد قصيدته تدخلوا شيوخ شمر عند الامير عبدالله وشمله العفو ولا اعلم هل ما زال على قيد الحياة ام لا ..... والبيضاء مرفوعه لقبيلة شمر من جميع قبائل يام باسمي واسم الجميع قاصيهم ودانيهم وكبيرهم وصغيرهم تستاهلون يا شـــــــــــمـــــــر
اشكي على شمر عيـال السناعيـس = زبن الغريـب اللـي بلتـه الليالـي روس الرجال اللي تعرف النواميـس = لطامـة العايـل بـروس السلالـي انخى شيوخٍ ذكرهـا لـه تداريـس = باول تواريـخ العـرب لـه مجالـي تاريخهم يكتـب ببيـض القراطيـس = ويكتب على روس الجبـال العوالـي وانخى الشيوخ اللي يفحمون المحاميس = ومـزوديـن هيلـهـم بـالـدلالـي انخى عبدالله اللي له المـدح تأسيـس = ابـن رشيـد اللـي عزيـزٍ وغالـي وانخى ابن جبرين ودرزي بتحميـس = نخوة حمـس تهتـز منهـا الجبالـي وانخى بيعجان العلي ممـن العيـس = وممـن الخلفـات باقصـى المفالـي وانخاك ياشبـل الاسـود النواعيـس = انخـاك انـت ياطـلال الرمـالـي نخيتكـم وانـا غريـب المحابيـس = من سجن نجـرانٍ لسجـن الشمالـي اقسم لكـم باللـي يهـب النسانيـس = لـو واحـدٍ منكـم محلـي بـدالـي ويزورني منه خطـوط ورواسيـس = لاعجبـه واسـوق حالـي ومـالـي واطلع به اللـي ماتجيـه القرانيـس = واحـط منزالـه علـى راس عالـي اقولها وانا يامـي رمتـه المقابيـس = شيخٍ ولـد شيـخٍ عمامـي خوالـي قصيرنـا يامـن بليـا حـواريـس = وخوينـا يشـرب قـراحٍ زلالــي |
ونعم والله في شمر وفي يام كافه !!!!
بيض الله وجهك يا بنيــــــــــــان اليامي ... علي ما ذكرت!!!!! ..والطيب مايجيب الا طيب مثلك وشرواك !!!! .. ويا جعلك تحيا علومك كلها طيبه ...تسلم!!!! |
شمر يستاهلون المدح والله لايهينك يابنيان على نقل القصيده
وصح الساان الشااعر تحياتي |
يعطيك العافية اخوي بنيان على القصيدة الرائعة .
|
الله لا يهينك ونعم والله بشمر هل السناعيس ومشكور على ذا القصيده
التوقيع وش عاااد وان قيل بنت رجااال ^^^ شيخه واهلها سلااااطيني |
يستاهلون النعم الطنايا
وصح الله لسانك ولسان شاعرها يابنيان وجعلك تسلم على النقــل |
يعطيك العافية اخوي بنيان على القصيدة
|
بنياان
صح الله ألساانك ولااهنت يا السناافي تقبل تحيااتي,,, |
الــــــــــعنــــــــــــيد
حـــــبـــــــــيـــــــــب ابن وعيــــــــــــــل الشيـــــــــــخـــــــه محمـد الشامـــري الخــــــلـــــيجــــي الهــــــــــــــــاوي شكرا لكم احبتي على مروركم وتعليقكم الله لا يهينكم جميـــــــــــع |
بنيان صح اللسانك ولسان شاعرهاا ولاهنت على النقل الطيب
|
| الوقت في المنتدى حسب توقيت جرينتش +3 الساعة الآن 05:34 PM . |
مجالس العجمان الرسمي