سلامي ياهل الطولات يادرع العرب
قصية للشاعر:: عبدالرحمن سعدي الشمري في قبائل يام
أقول الحمد لله ما علت فـي أرضنـا أعـلام=وعد رمالهـا وأعـداد مـا هلـت سحايبهـا سلامي عد ما حج الحجيـج وكبـروا باحـرام=سلامي كـل مـا شـدّت لبيـت الله ركايبهـا سلامي عد من زكى زكاتـه ثـم صـام وقـام=سلامي من مشارق أرضنـا حتـى مغاربهـا سلامي عد ما نكتب على وجه الورق بأقـلام=سلامي مالنخيـل أهتـز والنسمـة تلاعبهـا سلامي عد ماالبلبل يغنـي بالغصـون أنغـام=سلامي كلمـا عيـنٍ تمنـت شـوف غايبهـا سلامي كلما مالت غصـون وحركتهـا أنسـام=سلامي من حدود الجوف ومن حايل وحتى أبها سلامي كلما اشتاق المحب لمن يحـب وهـام=سلامي عد ما التمّـت بعـد غيبـه حبايبهـا سلامي ياهل الطولات يا درع العرب يـا يـام=رجالٍ ما أحـد يزحـم علـى العليـا مناكبهـا رسوا مثل الجبال الراسيات إن زلـت الأقـدام=وكما البركان إذا نادى المنادي فـي كتايبهـا إذا طير المنايا فـوق هامـات النشامـا حـام=أشوف سيوفهم تلمـع كمـا تلمـع كواكبهـا وإذا ماقام سوق الموت يوم المعركة يـا قـام=أشوف نفوسهم يكثر بسوق المـوت جالبهـا يعشون السباع الجايعه روس الشيوخ اطعـام=وطيور السمـا أسيـاف يـامٍ مـن مخالبهـا لهم رايٍ مصيب ما يحير إن حـارت الأفهـام=ولهم من طيبهم فزعات تذهـل مـن يجربهـا إذا لانوا فهم أبرد وألطف مـن نسيـم الشـام=وإذا اشتدوا فهم زلزال يزلزل مـن يغاضبهـا سلمتوا يا سيوف الهند ومضربها يقص الهام=وسم الموت بحدود السيوف وفـي مضاربهـا يا ويل اللي نوى حرب الأسود وغرّته أوهـام=أنا أشهد ما اهتنى بالنـوم مجنـون يحاربهـا الأفعى من يجيها إن بـدت بأنيابهـا الأسقـام=ولهيب النار من يصبر على حامـي لهايبهـا أشوف الطفل فيهم يا نشأ كالليث كالضرغـام=وكما همدان إذا شبّ الشباب وشـاب شايبهـا هم الملجأ هم الملفا لمن هـو يشكـي الأيـام=وهم المزبان ليا ضاقت على الخايف جنايبهـا كرام نفوس أهل ناموس عزّ اللي شكا وأنضام=كما أمواج البحر يا يام إذا أشتـدت مصايبهـا كرام ومن كرام وضيفهم مـا يعـدم الإكـرام=كأن أموالهم ما هـي لهـم إن حـل طالبهـا هم أرحم بالخوي وأكرم من الوالد على الأيتام=وأنا أشهد من يجاور يام ما يشكـي متاعبهـا إذا كان السنـة فيهـا ليالـي تختلـف وأيـام=بني يام الليالي البيض وهو بـه مـن يكذبهـا سهرتوا وانتهضتوا للمراجل والعفـون نيـام=وأظن اللي يبي الطولات ما يرخص مطالبهـا دروب المرجله والطيب مـا تاتيـك بالأحـلام=إذا مـا خالـط الأقـوال أفعـالٍ تصاحبـهـا لبعضهم من بعضهم دوم عصابة راسهم وحزام=ذيابـة قاتليـن للجبـان إن جـاء محاربهـا أنا شاعر على كيفي وببحـور الشعـر عـوام=دواليـب الفكـر تاتـي علـى كيفـي أقلبهـا أنا أحفظ قصيدي عن هزيل القـول والأوهـام=وجـزلات المعانـي للنشامـا مـا نحسَّبـهـا أنا من دار حاتم جيت وأظن الشعر مـا ينـلام=إذا ما قد تغنّى في هـوى (نجـران) كاتبهـا جميل الشعر وأعذب شي شعرٍ صادق الإلهـام=فلا تصدق بقولـة أعـذب الأبيـات أكذبهـا أجل عشنا وشفنا ومن يعيش يجـرب الأيـام=تسقيه الشقـا والهـم مـن قاسـي تجاربهـا أنا من نجد جيت وخاطـري تلعـب بـه الآلام=ونسيت الهم في بنت الجنوب ومـن يقاربهـا أنا من دار حايل (شمري) ولي الفخر يا يـام=إذا فـي مثلكـم سطـرت أبياتـي وأرتبـهـا شمر والذيابـه يـام ركـن وللفخـر مرسـام=فلا الأبيات والأمثـال تحصـي لـك مناقبهـا وختام القول صلى الله على من ناصر الإسلام=رسول الله شفيع الناس في زحمـة محاسبهـا |
رد: سلامي ياهل الطولات يادرع العرب
صح الله لسانه على الجزله
ولاعليه زووود ولاهنت يامسفر على النقل وسلمت يمناااك |
رد: سلامي ياهل الطولات يادرع العرب
صح لسان الشمري وما عليه زود
بيض الله وجهه على القصيده وتسلم يمينك يابو مبارك على النقل |
رد: سلامي ياهل الطولات يادرع العرب
ولا ندمت الشامري على مـرورك .
|
رد: سلامي ياهل الطولات يادرع العرب
ويمينك يبو محمد على مرورك .
|
رد: سلامي ياهل الطولات يادرع العرب
صح لسان الشاعر عبدالرحمن السعديّ الشمري
و ما عليه زوود .. و صح نقلك و إختيارك يا ابو مبارك .. تقبل مروري .. |
رد: سلامي ياهل الطولات يادرع العرب
لا عدمت حضورك يامسعطر وحيـاك الله .
|
رد: سلامي ياهل الطولات يادرع العرب
صح لسان الشاعر (الشمري)
وتسلم يمناك يالذيب |
رد: سلامي ياهل الطولات يادرع العرب
صح لسان الشمري وتسلم يمينك يا ابو مبارك عالنقل |
رد: سلامي ياهل الطولات يادرع العرب
بو فـلاح تسلم على مرورك والله لا يهينـك .
|
الوقت في المنتدى حسب توقيت جرينتش +3 الساعة الآن 04:38 PM . |
مجالس العجمان الرسمي