|
.:. وردنــي ،، تالي ،، الليــل ،، جـــوّال :.
قصيده من النوع الهزلي ، بس اعجبتني جدا يوم قريتهاا وللاسف مب عارفه شاعرهاا ، لكن حبيتكم تشاركوني ايااهاا :)
البارحة جــانـي مـن الحـب مرسـال=من عقب مـا بينـي وبـيـنـه خصيمـة وانا تــرى في الحـب مانــيــب فعّـال=ولا بـعـــــد ولــّـع بـقـلـبـي هشيـمـه ولا بــعـد غـنّيت فـي ساعـة وصـال=ولا بــعــد ذقــت الـفـراق وجحـيمـه ولا جرى دمعي علــى الخـد همّـال=ولا بـعـــد جـربـت مــرّ الـهــزيـمـة حــتــى وردنـي تالـي الـليـل جــوال=وانا على شاهي وبسكـوت ديمـة الرقم بايخ لكـن الــصــوت قــتـال=كنــه مثل صـوت المذيعـة حليمـة قــالت مساء الخير يـا طيّـب الفـال=قـلـت ارحــبـي تــرحيبـةٍ مستديمـة بـالـعــود والصفـري ودلـة وفنجـال=واجـبـك يا بنت الأصـول الكريمـة وردت بضحكة ثم قالت وش الحـال؟=قلت اشهد إن الحال عقبك سقيمـة قالت وهي تضحك بعد مثل الأطفال=وانـــا بـعـــد كــنــي بــدونـك يتيمـة مـــن يـوم قـالـتهـا تزلزلـت زلـزال=مــن فجعتي كنـي مسـوي جريمـة قلت ارفعي صوتك ترى مابه ارسال=كـــذاب لــكـنّ المصيبـة عظيمـة قالت أقول اسمع ترى هرجنـا طـال=مــمكـن تصاحبنـي ترانـي وسيمـة واسمي الحقيقي أول حروفـه الـدال=لــكـــن يسمّونـي البنـات ( الزعيمـة ) :) صحيح أحب الفخفخة واعشق المال=لكـن ترانـي طــاهــرة مستقيـمـة ما عندي امغازل ولا( لعب يهّـال )=ما عندي إلا في الشرف والحشيمـة بس الصراحة قلبي لشوفتـك مـال=واصبحت وحدك جالسٍ في صميمه فكّر بعقلك واترك القيـل والقـال=واحذر تطيع اهل العقـول العقيمـة وارسل علي الحين خمسميـة ريـال=أشحن بهـا جـوال أختـي غنيمـة أو طقم غالي فيه خاتـم وسلسـال=أروح بـه فـي عـرس ولاّ عزيمـة قلت الحقيقة مانيب رجـل أعمـال=ولانـي بتاجـر والمـوارد عديـمـة أنا الصراحة شبـه عطّـال بطّـال=وعلاقتـي بالفــقـــر جـداً حميـمـة والراتب الله يرحم الحـال مـا زال=محـدود والمصـروف ربـي عليمـه والــديـن بـالآلاف والبنـك شغّـال=يــاكـل فـلـوسـي بالربـا والظليمـة والسوق طايح والغلا ضيّـق البـال=والموت والله صايـر اكبـر غنيمـة قالت تحمّل بـس والحمـل ينشـال=خلك شديد الباس صلـب العزيمـة ياخي تصرّف جعلك اتصيـر نشّـال=أهـــــم شــي إن النوايـا سليـمـة لابــد تـفـهمني علـى كـل الأحـوال=ما دمت من أهل العقـول الفهيمـة قلت إيه والله فاهم اللي على البـال=لــكــن تــرى هـذي علينـا قديمـة يــا بـنت هـذا صايـر اليـوم مـوال=للي تبي تلعب علـى ابـن اللئيمـة يا بـنــت ما تدرين كـم فيـه محتـال=يلعب على الحبلين وانتـي غشيمـة يا بنت كم من جاهلة دمعها سـال=من عقب ما جات العواقب وخيمـة والبنت لا اقتفى عرضها بيد الأنـذال=والله مــا يــبـقـى لهـا أي قيـمـة قالت تبي ولاّ فـخـلّك علـى جـال=مهوب ناقصـي نصايـح حكيمـة عز الله إنك للأسف منـت رجّـال=وانك قليل الذوق ما فيـك شيمـة يا لعنبو اللي مـا يسطّـرك بنعـال=حــتـى يـعـلمـك الغـزل يـا بهيمـة ( تفو ) عليك وصكّت الخط في الحال=مدري ( تفو ) هي مدح ولاّ شتيمـة وسلااااامتكم :) |
رد: .:. وردنــي ،، تالي ،، الليــل ،، جـــوّال :.
شيخه المنتدى ..
وشذا وشذا .. لا بالله شتيمه وشتيمه وشتيمه ,, ابرك غزل .. تسلمين على الابيات .. اتحفتينا يالغاليه .. |
رد: .:. وردنــي ،، تالي ،، الليــل ،، جـــوّال :.
شيخة المنتدى
صح الله لسانش ولسان شاعرها تقبلي مروري هنا |
رد: .:. وردنــي ،، تالي ،، الليــل ،، جـــوّال :.
ههههههههههههههههاي
ليته ماشعر D: شيوخ تسلمين 1bh1 |
رد: .:. وردنــي ،، تالي ،، الليــل ،، جـــوّال :.
هههههههههههه
شيخه تسلمين على النقل الرائع وعزتي لشاعرها |
رد: .:. وردنــي ،، تالي ،، الليــل ،، جـــوّال :.
افا قالت له تفو ههههههههههههههههههههه اشهد انها ماتستاهل النصيحه :p والقصيده روعه روعه روعه يعطيش العافيه يا شيخه ولاهنتي على النقل الحلو |
رد: .:. وردنــي ،، تالي ،، الليــل ،، جـــوّال :.
هههههههههههههههههههههههههههههههههه
قالت وهي تضحك بعد مثل الأطفـال وانـا بعـد كنـي بدونـك يتيـمـة <-- مسرع مامداها :) ما عندي امغازل ولا( لعب يهّـال ) ما عندي إلا في الشرف والحشيمـة<-- ماشالله باين D: يا بنت كم من جاهلة دمعهـا سـال من عقب ما جات العواقـب وخيمـة<-- عز الله صدق :) يعطيك مليوووووون عافيه شيوخ على النقل .. قصيده حلووه .. وصح لسان قايلها ..:) لا هنتي ياالغلا :) |
رد: .:. وردنــي ،، تالي ،، الليــل ،، جـــوّال :.
يا بنت كم من جاهلة دمعهـا سـال
من عقب ما جات العواقـب وخيمـة / والبنت لا اقتفى عرضها بيد الأنـذال والله مـا يبقـى لـهـا أي قيـمـة هنا مربط الفرس !! تسلم يمناك يا شيخة منتدانا على هذا النقل ولا راح اقول صح السان شاعرها اقول الله يعينه بس ! :) |
رد: .:. وردنــي ،، تالي ،، الليــل ،، جـــوّال :.
شيخة المنتدى / متميزة بكل شئ دائمآ
يعطيك العافيه شيوخ على النقل .. قصيده حلووه .. وصح لسان قايلها .. لا هنتي ياالغلا |
رد: .:. وردنــي ،، تالي ،، الليــل ،، جـــوّال :.
اقتباس:
يستـــاهل ماجاه :) الله يعزش ومن قااال سالم ، واتحفتيني بحضوورش يالغلااا :) دمتي بحفظه |
| الوقت في المنتدى حسب توقيت جرينتش +3 الساعة الآن 09:47 AM . |
مجالس العجمان الرسمي