|
ليش انتوا كذا يابنات حواء!!
اليكم هذا الموضوع المنقول
والي ابي منكم تعليقاتكم ورايكم حول الي حصل بالقصه هذي http://home.no.net/anyas/anyaflower296.gif إليكم القصة التالية : فيه وحده معزومه على زواج ويوم الزواج قامت الحرمه وتروشت وتنظفت وسرحت شعرها احلى تسريحه وسوت مكياج حلو ومرتب ولبست احلى فساتينها وتعطرت وتبخرت وبعد ماخلصت اتصلت في زوجها وقالت له اني خلصت قالها زوجها دقايق واكون عندك شوي واثاري زوجها قدامها الرجال يوم شافها اعجبته لانه المسكين مايحصله يشوفها مرتبه الا في المناسبات المهم طلبها زوجها تترك الزواج وتجلس معه وقال لها ابغى اخليها احلى ليله وراح اعوضك عن الزواج قال لها اجلسي معي وننبسط ونسهر ونجيب عشاء من المطعم الزوجه وافقت قال لها زوجها ابغى اروح اجيب العشاء علشان ما اطلع راح الرجال مستعجل وجاب العشاء ودخل بيته وش شاااااااااااااف قدامه الحرمه فاصخه فستانها ولابسه قميص قطن من حقات البيت وغاسله المكياج وفاكه التسريحه وحاطه في شعرها زيت ورابطته الرجال عصب وسالها ليش غيرتي ملابسك وليش سويتي في نفسك كذا قالت الفستان ضايقني وانحشرت منه وغسلت المكياج ماله داعي وزيت شعري عقب الرغوه والاستشوار تصدق توي احس في الراحه يوم لبست هالقميص قام الرجال يهاوش وقالها الزينه بس للناس وانا زوجك ما تهتمين لي وقال والله ماتذوقين العشاء((احسن )):D والحين تقومين قدامي للزواج وتدخلين عليهم كذا وانتي في شكلك هذا والا ما راح تجلسين الليله في البيت حاولت فيه الحرمه ماقدرت لانه حلف وفي النهايه مالها حيله قامت ولبست عبايتها ودخلت في الزواج كانها شحاذه وتركها الين اخر الليل وكل الي في العرس شافوها هي جلست في عبايتها ما فصختها....... (سوى احراج لزوجته...) http://home.no.net/anyas/anyaflower296.gif هو سؤال يبطح نفسه ليش انتوا كذا يابنات حواء؟! وباقي تعليقي على القصه ومجرياتها راح اورده فيما بعد ومني لكم اغلى سلام |
كلهم كذا الامن هدى الله بس الصراحه ماله حق كان خلا عقله اكبر وماحرجها الانهم ناقصات عقل ودين وشكرا على الطرح
|
والله مشكله ذي يافارس بعض الحريم جد ماتتزين الا اذا راحت اعراس او مناسبات فقط والا اغيرها تشوفها لابسه القميص وريحتها بصل وطماط من بعد طبخ الغداء او العشاء (نادرا صارو يسوون عشاء او يتعشون الناس من اكل البيت)
بس فيه بنات والله ماشاءالله عليهم يكشخون كشخه لازواجهم ولأهلهم وحتى للناس اللي بالشوارع والاسواق والضاهر ان زوج ذالحرمه متعوود على بنات الا ال بس سي والطخه ويبغى زوجته تصير مثلهم واسفين على الاطاله |
>
هلا بك اخي الغالي سعد اسعدني تواصلك معنا وفعلا عقابه كنه تهور شوي بس الرجال اتوقع انه من القهر سوى كذا ونعنبولايمه هههه ومني اغلى سلام |
.
هلا بك اخي الغالي راكان شكرا لمداخلتك الغاليه حلو ان باقي في بنات تحرص انها تكون كشخه بس اتمنى ان حرصها يكون لاهلها وزوجها زوجها بالذات حتى ماتصغر بعينه وما يكون من عشاق قناة الالبي سي مثل ما اشرت اما تتزين للناس الي بالشوارع والاسواق وشووووله وش منتظره منهم ؟! اما انا رئفت بحال ذا المسكين الي ماتهنى بعشاه لوني في محله وعزمت انها ماتروح الزواج كنت باخذها وتعشى انا وهي برا وهي بحالتها الراهنه اقصد لما كشخت ...... اعتقد كذا افضل ومني لك اغلى سلامي |
ههههههههههههههه
مشكور أخوي فااارس على الموضوع والمشكلة تكمن في نفس الزوج والزوجة كليهما فإنها ينقصهما الحكمة كليهما ....... والأتفاق المبرم بينهما من أول زواجهما ؟؟؟!!! وقد يتعجب الرجل كيف أتفاق بل لي الأمر بدون أتفاق !!!!!!!!!!!!!!! لا ليس صحيح بل يجب الأتفاق على أمر والأتفاق على عقابه منذ بداية حياتهما حتى تكون متسقه حياتهما وبعد ذلك كله تأتي الحكمة في تطبيق العقوبة فإذا أخطأ الرجل مثلا ... لا تفكر المرأة في العقوبة المتفق عليها مباشرة ... بل تفكر في مقايضة مع الزوج بدلا من العقوب ....... وكذلك الرجل عندما تخطأ زوجته فإنه يعمل بالحكمة والمقايضة إما تعمل ما يردي أو أنه يوقع عليها العوقبة التي أتفقت معه عليها وهكذا تكون الحياة جميلة ............. مصالح ههههههههههههههه الله يوفق الجميع ومشكووووور |
ههههههههههههههههههههههههههه
والله اني مت من الضحك يوم تخيلت شكل الرجال داخل والعشااا معه وشاف التغيير اللي حصل ههههههه لاكن والله اقدا فيها يوم وداهاااا للعرس بثوب القطن خخخخخخخخخخخخخخخخخخ |
.
هلا وغلا بك ياخوي جابر البطان شاكر لك تواصلك وابداء رايك ياخوي جابر كلا" له نظرته وترتيب حياته يعني خلونا نكون منصفين يمكن ذا الرجال ماعمره شيك حاله قدام حرمته ونا معك لوهم متفقين من اول على الاهتمام ببعض كان افضل عموما اسعدتنا طلتك البهيه اعذروني لان جاني اتصال ضروري وشكله من حضكم اني ماكمل كلامي لان كان ودي اقول شي للبنات انا بقوله بس مهوب الحين في ردي الجاي ان الله راد <<<حضرته يسوق لردوده مسوي دعايه انتظرونا في القريب العاجل ههههه ومني لك اغلى سلام |
مسكيييييينه بس حركته والله مالها داعي .. اذا هو يبي يفشلها يسوي طريقه ثانيه تحفظ لها كرامتها مش يهينها كذا وبعدين المفروض من البدايه يعودها ويفهمها انه يبيها على طول كاشخه ومسويه ميك اب وتسرحه لانه امبين انه انبهر فيها يوم شافها متعدله .. وهذا يعني انها ماكانت تتعدل قبل يعني الغلط منه هو مو منها وبعدين مثل ماتتعدل الحرمه لزوجها المفروض بعد الرجال يتعدل لها بعد يجي من الدوام ياخذ شور ويتنظف ويتبخر مش جاي بريحة الدخان http://www.cheesebuerger.de/images/midi/boese/a038.gif في آخر كلامي اصابعك مهيب سوا .. وبنت حواء معروفه بحبها وولعها للتجمل سواء لنفسها او لغيرها .. ونادر ماتلقى وحده مهمله نفسها ويعطيك العافيه على الموضوع |
>
اهلا هلا بك يالسنافي صحيح شكل الرجال تحفه وهو متفاجي راح وفيه وحده كشخه تحمس ورجع ولا الكشخه قد ولت راحت مشت وعيوني تتبعها وآآآآه مجبور اوادعها المهم ماعلينا بس ترا يالسنافي مهوب مقدي ابد العقل حكمه والعقاب كان المفروض يكون اهون من كذا لكن عاد هذا الي حصل واكيد كل دقه بتعليمه واسعدنا تواجدك الغالي ومني اغلى سلام |
| الوقت في المنتدى حسب توقيت جرينتش +3 الساعة الآن 05:53 PM . |
مجالس العجمان الرسمي