أحمد الله يوم مالي معازيب = يوم شفت اللاش عقله هبابه
حطّ فيها له زعامه مناديب = أثر ظنّه هو كفو بالمجابه
يا هبيل الفكر مالك مراقيب = ما تطوله فعل منهو تهابه
موكره دومٍ بروس الشخانيب = وارثه مجدٍ وفعلٍ ولابه
والمعيضي لنثى فالمواجيب = سعد عينك لا فزع في الحرابه
سلم جدّه قبلها في الأجانيب = يوم صاحوا بالعزاوي نهابه
أيتقلط ما يحسب المحاسيب = يرخص الأرواح فعله زهابه
وأبن طاحوسٍ حصان الأطاليب = نعم به خالد ويكرم جنابه
حطّم الرّقم القياسي ولا ريب = يوم كلٍ محفياتن رَكَابه
يوم نادا للحرار المعاطيب = كلٍ حرٍ ينتهض يا غرابه
ما تخالط صدقها مع لكاذيب =يوم كلٍ موقفه قد شرابه
مانخصّ الكلّ تكرم لشانيب = من كشف راسه يحب الطّلابه
بسّ لو ما في الحقايق ملاعيب = كان يوسف ما كَلَته الذّيابه
والمواقف شاهده والتجاريب = هي تزيد الرّجل عـزْ اوصلابه
والرّفيق اللي يحشّ العراقيب = مثل أخته بالفعل والتشابه
يقطعك ياكاتبٍ بالحواسيب = من ورى الشاشهْ حَسَد ما تجابه
فاسقٍ شيطانكم يا كواتيب = بالمتايش حكيكم ذا حسابه
هو أمانه صوتكم له عواقيب = ثابت الموقف ينومس جوابه
ذا مقالي واصلك بالتراحيب = نعم به خالد ويكرم جنابه

المشاركة الأصلية كتبت بواسطة أسـيـر الـصـمـت (المشاركة 1360700) صح لسانك ويستاهل خالد الطاحوس

المشاركة الأصلية كتبت بواسطة عبيد العرجاني (المشاركة 1360806) صح لســانك طال عمرك أبيات وافيه وجزله ويستاهل خالد الطاحوس

المشاركة الأصلية كتبت بواسطة سمو الرووح (المشاركة 1360827) صح الله لسانك ويستاهل خالد الطاحوس ولاهنت يالسنافي وتم تعديل الخطأ كما امرت طال عمرك.