سعد بن جدلان و ناصر العجمي و الهم المشترك ..
قصيدة اسندها الشاعر ناصر العجمي للشاعر سعد بن جدلان تحكي ما وصل إليه حال إعلامنا الشعبي أترككم مع ما دار بين ناصرالعجمي و سعد الأكلبي آملا ان تحوز على رضاكم : شكوى ( ناصر العجمي )
ألا يا رسولي خذ و صاتي على عجل = و روح لإبن جدلان ثم أعطه إياها ألا يا سعد اقر الرساله على مهل = تمهل شوي شوي لا جيت تقراها و لا من معناها و مضمونها اكتمل = بصدرك فهي في ذمتك و انت منصاها و انا عارف انك من رجال و ابن زحل = و اعرف الرجال تطيب من طيب مجناها و يا بو محمد شعرك أجزل من الجزل = تنقى السمينه و الضعيفه تعداها أبشكي عليك صحافة كلها هزل = فسد ذوقها حتى افسدت ذوق قرّاها تحارب عميقين العطا تقبل الضحل = مثل ما انت عارف شلة ضاع مبداها من أسبابهم فالشعر يا الأكلبي خلل = أهم القواعد و المباديء تناساها خذ أمثال مما يكتبونه هل الغزل = و لك الحكم فيها يا سعد عقب فحواها حداهم يوافق عشقته تهتوي رجل = و من حبها حب اللي تحب لرضاها وثاني يقول انه قعد عام يتصل = على جارته الين ردت ثم أغواها ورابع يوصيها إذا حبها فشل = لغيره فترجع له وهو بيتلقاها دعايات فحش ٍ تنكتب بأعرض الجمل = من قالها ما يستحي يوم سواها أبنخاك نخوة واحد فاقدن لامل = ظهر له عضيد بلحظة ما تحراها أبيك منك عصما تنخل المجتمع نخل = تحرك بها شعور الرجال و حماياها حتى من يحس بخاطره غيره او زعل = على المجتمع يرسل لك أبيات حلياها نبي نعيد شعار الصحافه إلى الفصل = و نبغى ندرسهم من الألف لا ياها نبي نشرح الغيره على الدين و الاهل = و نبي نقول فيه حقوق للجار مرعاها نبي نقول ميزة بنتنا الستر و الخجل = و هذا اللي يميز بنتنا عن حلاياها و بعد نختبرهم من سقط يدخل العزل = نعزله و ندفن علته داخل ارداها ماذا قال سعد بن جدلان في رده : فلسفه ( سعدالاكلبي )
هلا مرحبا حييت يا منطق العقل = قصايد قريحة خاطر بان معناها أهداني قصيدة شاعر تزرع الأمل = و قدر الهديه في روابع من اهداها وزاومني الهاجوس ملعون ابو لاهل = يقول البيوت العصم و ياك و ياها لا عينت كلمة قلت يضرب بها المثل = لقينا وراها وحدة كنها اياها فلا كل من قال ازهل اللي تبي زهل = و ما ضحى بهل تكفى ضحى غير تكفاها ما تنجح مدارس فلسفة علم في جهل = العربان ما كلن قدر يكسب رضاها وترى الناس كل له شراب و له أكل = و ما أحد ٍ يدخل في قوت الأنفس و لا ماها يحاول قدر الإمكان يعني على الاقل = يدخل في مفاهيم العرب يكسب اصغاها |
الله الله يابوحمد على ذا الرديات الزينه بيض الله وجهك يالذيب على مانقلته
صح اللسانك ولسان ناصر العجمي وبن جدلان تحيااااااااااااتي |
نبي نعيد شعار الصحافه إلـى الفصـل
و نبغى ندرسهم مـن الألـف لا ياهـا صح السان العجمي وابن جدلان والله يعطيك العافيه يا ابو حمد الشامري |
لا هنت يا ابو حمد وصح لسانك على القصائد الرائعة
|
لا هنتم يا الربع وما عليكم زود على التعقيبات الرائعة
|
الوقت في المنتدى حسب توقيت جرينتش +3 الساعة الآن 05:39 PM . |
مجالس العجمان الرسمي